Актриса жарнамаға деген батыл әрі арандатушылық тәсілімен танымал, және бұл жаңа кампейн де одан қалыс қалған жоқ. Промо-ролик пен фототүсірілімде Сидни әуе шарлары мен мерекелік декормен безендірілген бөлмеде, дәлірек айтсақ, алып торт қойылған ас үстелінің үстінде отырып, саусағындағы кремді сүйсіне жеп, камера алдында еркін көсіледі.
Дроп Birthday Boobs деп аталды. Топтамада нәзік қызғылт, көгілдір және қара түсті шілтерлі көкірекшелер, трусилер, боди және басқа да үлгілері бар. Кейбір жиынтықтар Сиднидің өз қолтаңбасымен жазылған I really love you кестелі жазуымен әрленген.
Суинидің жарнамалық бастамалары жұрт арасында үнемі қызу талқыға түсуде. 2025 жылы ол Dr. Squatch брендімен бірге өзі шомылған ванна суының негізінде жасалған сабын шығарған болатын. Бұл өнім көзді ашып-жұмғанша толықтай сатылып кетті. Кейінірек актриса American Eagle кампейнінде genes және jeans сөздерімен ойнағаны үшін сынға ұшырады. Көпшілік бұл жарнаманы генетикалық артықшылық идеяларын насихаттады және дәстүрлі ақ нәсілді сұлулықты дәріптеді деп айыптады. Дегенмен, бұл жанжалдардың екеуі де брендтерге деген назарды арттырып, сатылымды еселей түскені анық.