Сән үйіне сілтеме жасаған WWD басылымының хабарлауынша, дизайнер Дарио Витале Versace қатарынан кетті. Бұл ақпарат Prada Group брендті иелену процесін аяқтағаннан кейін, ертесіне-ақ белгілі болды.
Басылымның жазуынша, дизайнердің кеңсеге келмегеніне бірнеше күн болған. Оның қызметтен кету себебі, сондай-ақ Versace-нің жаңа креативті стратегиясы әзірге жарияланбады. Дегенмен WWD дереккөздері Виталенің кетуіне оның кезінде Miu Miu дизайн-директоры болған Prada Group-қа қайта оралуға құлықсыздығы себеп болуы мүмкін екенін жазды.
Versace-ге 2025 жылдың наурызында ғана келген Дарио Витале жұмыс барысында биылғы қыркүйекте көрсетілген «көктем-жаз 2026» топтамасын ғана ұсынып үлгерді.
Еске салсақ, Prada Group 2025 жылдың желтоқсан айының басында Capri Holdings Ltd компаниясынан Versace-ні сатып алуды толық аяқтады. Сәуір айында белгілі болған мәміле құны 1,25 миллиард еуроны құрады. Брендтің жаңа басшысы болып Prada иелері Миучча Прада мен Патрицио Бертеллидің ұлы – Лоренцо Бертелли тағайындалмақ.