«Coming of Age» сериалы арқылы танылған 16 жастағы Оуэн Купер кино әлемінде бұрын-соңды болмаған жетістікке қол жеткізді. Ол бір маусымда телевизия саласындағы үш басты марапатты иеленіп, бұл биіктікті бағындырған тарихтағы ең жас актер атанды. Оның жеңісті жолы 2025 жылдың қыркүйегінде басталған еді: «Эмми» сыйлығын алған ол осы марапаттың ең жас лауреаты ретінде рекорд орнатты.
Айта кетерлігі, «Алтын глобус» тарихында ең жас жеңімпаз рекордын жаңарту мүмкін болмады. Бұл атақ әлі күнге дейін 1979 жылы тоғыз жасында «The Champ» фильмі үшін «Жылдың үздік жаңа жұлдызы» жүлдесін алған Рики Шредерге тиесілі.
Сондай-ақ, қызыл кілемде қазақстандық актриса Аянат Есмағамбетова да бой көрсетті. Ол АҚШ-тың 250 жылдығына арналған «Lady America» фильмін таныстырды. 2025 жылдың соңында Штаттарда түсірілген бұл туындыда Аянат басты рөлді сомдап, жақсылық пен жамандық арпалысында елді біріктірген қуатты әйелдің бейнесін сомдады.
«Алтын глобус – 2026» жеңімпаздарының толық тізімімен мына сілтеме арқылы таныса аласыздар.