Әлемдік арт-нарықтың ең ықпалды алаңдарының бірі саналатын Art Basel Hong Kong халықаралық заманауи өнер жәрмеңкесінде биыл алғаш рет Қазақстанның аты аталды.
Қазақстандық суретші бұл туындысын алғаш рет Sapar Contemporary галереясындағы көрме кезінде көпшілікке таныстырып, онда The World of Peri атты өзіндік көркем әлемін көрсетті. Мұнда дәстүрлі мәдениет нышандары ғылыми фантастика мен фэнтези элементтерімен шебер астасқан. Шалқар өз әдісін көне түркі мәдениетін зерттеу мен болашақты болжауды біріктіретін «болашақтың археологиясы» деп сипаттайды.
Айяның айтуынша, The World of Peri – мифтік әйелдердің: перілер мен су перілерінің, кентаврлар мен мыстандардың қиялдағы өркениетіне жол ашатын портал. Бұл бейнелер тарих беттерінде көбіне жаңсақ түсініліп, үрей туғызатын немесе қаралау нысанына айналған кейіпкерлер ретінде сипатталып келген.
Халықаралық БАҚ өкілдері Шалқарды «шынайылықты жаңаша зерделеп, сандық және дәстүрлі өнер арасындағы шекараны жойып жүрген» жас суретшілердің қатарына жатқызды. Оның бұл көрмеге қатысуы әлемдік арт-сахнаның Орталық Азия өнеріне деген қызығушылығы артып келе жатқанын тағы бір мәрте дәлелдеді.