Bvlgari сағат өнері әлемінің басты оқиғасы Watches & Wonders халықаралық көрмесіне биыл алғаш рет қатысып отыр. Жыл сайын Женева қаласында өтетін бұл іс-шарада жетекші брендтер эксклюзивті топтамалары мен сағат өндірісі әлеміндегі инновациялық үлгілерді паш етеді.

Bvlgari-дің басты тұсаукесері жұқалығы бойынша қатарынан он рет әлемдік рекорд орнатқан Octo Finissimo Ultra Tourbillon ультражұқа сағаты болды. Қалыңдығы небары 1,85 мм сағат скелетондалған (ішкі құрылымы көрінетін) турбийонмен жабдықталған. Octo Finissimo Ultra-ның жаңа конструкциясы микроқұм титанмен апталып, вольфрам карбиді және өңделген болат сияқты металдардан жасалған. Антрацит түсті сағат родиймен қапталған тілдерімен және минималистік дизайндағы ультражұқа титан белдікшесімен ерекшеленеді.