1878-1906 жылдар аралығындағы Boucheron мұрағатында табиғи мақам көп. Бұл таңғаларлық жайт емес, өйткені Зергерлік үйдің негізін қалаушы Фредерик Бушерон шынайы әрі ырық бермейтін мінезі бар табиғатқа ғашық болған екен. Шырмауық, түйетікен, сұлы, қырыққұлақ, шыбын, ара, қоңыз, инелік – мұның бәрі шебердің креативті ойын бала кезінен бастап құнарландырған-ды. 

Оның бірегей көзқарасы Histoire de Style цикліне тиесілі, биылғы Untamed Nature коллекциясынан көрініс тапты. Коллекцияны әзірлеу жұмысын Boucheron креативті директоры Клер Шуан басқарды. Шуан еңбегі арқылы табиғат концепциясын мадақтап, қайта жаңғыртып, оған жаңа леп әкелгендей көрінеді. Boucheron Untamed Nature коллекциясын жанды Жоғары зергерлік өнер энциклопедиясы деуге болады. Құрамында дайындауға мыңдаған сағат жұмсалған 28 бірегей әшекей бар.