Сағат жасау өнеріндегі нео-ретро революциясы қайта оралған классикалық үлгілердің заманауи инновациялармен үйлесетінін көрсетеді
Соңғы он жылдай уақыт ішінде сағат брендтері өздерінің атақты дизайндарына қайта орала бастады. Идеялардың жетіспеушілігі дейсіз бе? Олай емес. Ностальгия толқынына мінген сағат шеберлері өткен жылдары шыққан, табысты коллекцияларды қайта өңдеп, заманауи тұтынушыға түсінікті мазмұн құруда.
Мысалы, Tag Heuer: 2003-2004 жылдары Monaco және Carrera модельдерін қайта шығарған бренд осылайша маңызды қадам жасады. Классикалық стильге қайта оралу, оны қазіргі заман талғамына дұрыс бейімдесе, аса тиімді шешім болуы мүмкін. Биыл шыққан сағаттар арасынан алтыннан жасалған Carrera Skipper моделі ерекше көзге түседі. 1968 жылы алғаш шыққанда бұл модель болаттан жасалған еді.
Tag Heuer Carrera Skipper | Фото: TAG Heuer
1 / 1
Blancpain де 2003 жылы аты аңызға айналған Fifty Fathoms үлгісін қайта жаңғыртты. Ең соңғы модель — 42 мм нұсқасы, қызыл алтыннан не титаннан жасалған корпусымен ерекшеленеді.
Cartier де Panthère, Baignoire және Santos-Dumont сияқты коллекцияларын қайта жаңғырту дәстүрін жалғастырып, еш қалар емес. Ең жарқын мысалдардың бірі — биылғы Watches & Wonders көрмесінде ел алдына шығарылған Cartier Privé Tortue Monopoussoir Chronograph моделі.
Сағатты жақсарту үшін қажет элементтерді енгізу барысында классика рухын сақтау — сағат шеберлері үшін үлкен сынақ. Vacheron Constantin бұл тепе-теңдікті ұстай алды. 2022 жылы бренд 1970 жылдары сән символы болған 222 моделін нарыққа қайта әкелді. Piaget те Polo 79 моделін (түпнұсқалық 34 мм диаметрінен) 38 мм-ге дейін үлкейтіп, кварц механизмін автоматты жүргізу механизміне ауыстырған болатын.
