Бүгінгі таңда гауһар тастарды жарқыратып көрсету үшін себептердің азайғаны сонша, зергерлер бұл дизайнды заманауи талаптарға сай бейімдеуге мәжбүр болып отыр. Rivière стильіндегі гауһарлар әдетте көлемі кішірек, классикалық теннис білезіктеріндегі тастарға ұқсас келеді. Тейлор Свифт, Белла Хадид және Хейли Бибер rivière алқаларын өз образдарына қосып, оларды қызыл кілемде де, күнделікті өмірде де тағып, neckmess трендін жалғастырып келеді. Сондағысы – бірнеше алқа мен кулонды қабаттап тағып, сәнді әрі әсерлі тандемді жасау ғана.

Ал лондондық зергер Джессика МакКормак өз rivière алқаларын жасарда, Георгий дәуірінің көне дизайнынан шабыттанғанын айтады. Ол кішісінен үлкеніне қарай ретімен қоюдың орнына, әртүрлі өлшемдегі тастарды кездейсоқ ретпен тізіп шығуды мақсат еткен. «Мойын маңайына шашылып түскен гауһар тастардың әсерін беретіндіктен, көзге өте жайлы көрінеді», – дейді ол The New York Times басылымына берген сұхбатында. 

Rivière алқалары шынымен де кез келген дүниемен жақсы үйлеседі. Ең тартымды нұсқасы – ақ футболка мен алқаның тандемі. Себебі rivière алқасының ерекшелігі – бұғананы дәл әрлейтін ұзындық өлшемінде. Ал егер мойын маңайын тағы біраз караттармен сәндегіңіз келсе, мархабат, бірнеше алқаны қатар тағуға болатыны әрдайым есіңізде болсын.

Бұл тренд casual diamonds концепциясын насихаттайтын зергерлік брендтермен байланысты. Мысалы, итальяндық Crivelli маркасы гауһар тастардың кез келген нәрсемен үйлесетінін және тіпті балаларды мектептен алуға барғанда да тағуға болатынын тілге тиек етеді. Ал Messika атымен танымал француздық алмаз дилерлері гауһар тастарды күнделікті өмірде қолдануға байланысты мынадай сиқырлы формуланы ұсынып отыр: Кофе, круассан, сигарет және гауһар тас – ажарыңның ажырамас тандемі. Бұған қарап, ең ұстамды деген француздадың да гаухарманиямен «дертті» болғанын байқауға болады.

Зергерлердің бәрі бір ауыздан «егер сіз гауһар тастарға қомақты қаражат жұмсасаңыз, олар сізді қуантуға тиіс» дегенді алға тартады. Бұл идеямен келіспеу қиын, әрине. Әсіресе, гауһар тастардың жарқырауы жанарыңыздың жалынымен лезде үйлесе кеткен кезде.