Социофобия одан қорқады

Алекс Консанидың әзілінің басты ерекшелігі сол, ұят ұғымы атымен жоқ. Бір топ адамның ортасына кіріп кетіп, өзіне тән мәнермен билеп, ән айтып, кейде (кенеттен) Калифорния тумасы бола тұра, оңтүстік штаттарға тән акцентпен сөйлей кетеді. Жапониядағы Шибуя ауданында билеп жүріп: «Shi...Shi...Shibuyaaaaa!», – деп айқайлайды Алекс. Хэллоуин түні көшенің қақ ортасында тұрып: «Why nоbody else dress like a slut tonight?» (ағылшын тілінен аударғанда: «Бұл түні неге ешкім жезөкше болып киінбеген?»), – деп сұрай жөнеледі.

Алекстің фильтрі жоқ, абсурдты әрі шынайы әзілі зумерлер буынына жағады. TikTok-тағы видеолары – инфлюенсерлердің елді қажытқан «мінсіз» контентіне қарама-қарсы дүние.

@ms.mawma

Gm from shabuyaaa

♬ 「恋愛サーキュレーション」歌ってみた - Renai Circulation

It’s maezooon margieeelaaaa!

Брендтер де Алекстің TikTok-тағы танымалдығына көз салады. Оған ең алғаш сенім білдірген дизайнер Марк Джейкобс еді. Екеуі Marc Jacobs жарнамалық науқанының бэкстейджінде TikTok-қа видео түсірген болатын. Бір видеода Алекс Консани үлкен аквариумның ішінде жатып есірсе, енді бірінде қолына бос су бөтелкесін ұстап алып, «жеңіс биін» билейді. Сондай-ақ ол фристайл би мұғалімі Рената Блисстің «мемдік» биін Марктың фирмалық ұзын тырнақтарын тағып алып орындады.

@marcjacobs Happy Monday from Marc Jacobs and @Alex Consani ♬ original sound - marcjacobs

Симон Жакмюс те мұндай мүмкіндіктен құр қалып қойып, қарап отыра ма? Алекс Консаниды Winter Retreat атты сюрреалистік жарнамалық науқанының бет-бейнесі болуға шақырған болатын. Мұнда модель интерпретациялық би билеп, қияр жамылып жатты.

Maison Margiela хош иісі де Алекс Консанидың «мемдік тиктогының» арқасында танымал болды. Видеода модель хош иістің жанына гольф-кармен келіп: «It’s maezooon margieeelaaaa!», – деп айқайлап, хош иісті үстіне шашып, ләззатқа бөлене ыңқылдайды. Зумерлер бұл көрініске бей-жай қарай алмады деуге болады.

@ms.mawma

New scent unlocked @maisonmargielafragrances

♬ original sound - CERTIFIED LEOO

Транссексуалдардың өрлеуі

Алекс Консани өзінің трансгендерлік сәйкестігін мақтан тұтады. Оның жыл моделі атанған алғашқы трансгендер модель ретінде Victoria's Secret көрсетіліміне қатысуы ЛГБТК+ қауымдастығы үшін тарихи оқиға болды. Ол «классикалық» сұлулық және сексуалдық стандарттарының быт-шытын шығарды. «You know what's f*cking good? Transexual rise! So pick up your Amazon Prime stick, honey, and click play» (ағылшын тілінен аударғанда: «Кереметтің көкесі не екенін білесің бе? Транссексуалдардың өрлеуі! Amazon Prime пультін ал да, ойнату батырмасын бас, жаным»), – дейді Алекс Консани Victoria's Secret көрсетілімінің бэкстейджінде. Бұл жерде Венди Уильямстың сөзі еріксіз ойға оралады: «She’s an icon, she’s a legend and she IS the moment» (ағылшын тілінен аударғанда: «Ол — икона, ол — аңыз, ол — осы сәттің дәл өзі»).