Louis Vuitton шоколадынан Макс Мара круассандарына дейін: бізді сән-салтанат әлеміне жақындатқан десерттер
Fendi сөмкесінің не KAYALI әтірінің дәмін татып көріп жатырмын деп елестетіңізші. Оғаштау сияқты ма? Бірақ шын мәнінде, бұл өте дәмді дүниелер. Өнер, сән және гастрономия арасындағы шекаралар жойылған кезде, стильді әрі дәмді коллаборациялар пайда болады. Мұның дәлелі – Gentle Monster брендімен NUDAKE брендінің бірге жасаған естен тандыратын десерттері және Louis Vuitton-ға қарап дайындалған шоколад өнімдері. Тағы қандай сәнді десерттерден люкс әлемінің дәмін шығуы мүмкін? Толығырақ материалдан оқыңыз.
Nudake by Gentle Monster
Сеулдегі HAUS Dosan ғимаратының жер асты лабиринтінде NUDAKE жасырылған – бұл қарапайым кондитерлік дүкен емес, тәттілердің сюрреалистік әлеміне есік ашатын портал. Gentle Monster жасаған бұл бренд тағам, өнер мен сәнді біріктіреді. Десерттер ерекше пішіндер мен қара, ақ және жасыл түстерде ұсынылған. Ең танымал ұсыныстарының ішінде – матча кремімен жасалған қатпарлы қара Peak Cake пен крем, зәйтүн және жұмыртқадан тұратын цилиндрлі торт FOG.
Жақында NUDAKE BLACKPINK тобындағы Дженнимен коллаборация жасады. Десерттер топтамасы ішінде Rouge Heel атты алтын ром суфлесі (аяқ киім түрінде), Дженнидің портреті бейнеленген Cameo бисквиті, екі түрлі дәмдегі Cotta панна-коттасы және роза хош иісі, жидекті кремі және K-pop иконасының бренд лентасы бар үш қабатты Jennierubyjane торты бар.
Kith Treats x Chips Ahoy!
2023 жылдың желтоқсанында Kith брендіне тиесілі Kith Treats гастрономиялық бөлімшесі Chips Ahoy! брендімен бірге десерттер мен аксессуарлардың шектеулі топтамасын жасады. Мәзірге Chips Ahoy! печеньесіне қарап жасалған тоғыз түрлі балмұздақ сэндвичі кірді. Ең ерекшелері – зефир, брауни және қос балмұздақтан тұратын The Fiegster Chip пен фундук вафлиі мен шоколад-жаңғақ глазурі бар The Wifey Chip. Ал аксессуарлар топтамасы балмұздақ рожогінің пішінінде жасалған печенье ыдысы мен сэндвич жасауға арналған жиынтықтардан тұрады. Сондай-ақ Kith және Chips Ahoy! логотиптерімен екі винтаждық футболка ұсынылған.
