Louis Vuitton брендінің креативті директоры Фаррелл Уильямс биылғы маусымның алғашқы сән коллаборациясын досы әрі әріптесімен — сәнқой рэпер Tyler, The Creator-мен бірге жүзеге асырды. Louis Vuitton x Tyler, The Creator коллекциясы кербездік эстетикасы мен преппи стилінің үйлесімін айқындайды. Киім Тайлердің өз қолымен жасаған Craggy Monogram монограммасымен безендірілген. Елесті LV гүлдері мен монограммамен ұштасқан дәстүргүл коллекцияға одан әрі ерекше қылады. Тайлер сүйіп жейтін EGGO вафлясынан шабыт ала отырып жасалған LV Waffle слайдтары — коллекцияның басты элементі. Бұл серіктестік классикалық Louis Vuitton стилі мен Tyler, The Creator-дің батыл көзқарасының бірегей үйлесімін айқындады.

Erdem мен британдық Barbour брендінің дебюттік коллаборациясы дәстүрлі шеберлік пен заманауи талғампаздықты ұштастырады. Barbour брендінің классикалық, балауызбен өңделген курткасы қайта өңделіп, Erdem Spring 2024 коллекциясының музасы — Девоншир герцогинясы Деборадан шабыт ала отырып жасалған, кутюр пальтосына айналды. Нәтиже — балауызбен өңделген мақтадан жасалған, ашық жағалы, трапеция тәріздес силуэт. Қайта өңделген ситц матасынан жасалған, сырмалы астары бұйымға ерекше көркемдік береді. Материалдар бір кездері Девоншир герцогтерінің атақонысы — Чатсуорт-хаусты безендіруге қолданылған, винтаж текстильге ұқсатып таңдалған екен. Бұл коллаборация брендтердің шеберлігін айқындап қана қоймай, Barbour тиімділігін нәзік Erdem эстетикамен епті түрде ұштастырып, британдық мұраға құрмет көрсетеді.

Стелла Маккартни мен жапон суретшісі Хадзимэ Сораяма бірігіп жасаған унисекс капсульді унисекс коллекциясы сезімталдықты, дизайнды және технологияларды біріктіреді. Капсуланың негізгі ерекшелігі — Сораямаға тән «суперреализм» стилі, оның ішінде атақты «сексуалды роботтар» мен жаңа туынды — Стелланың келбетінен шабыт ала отырып салынған Витрувиан әйелі бейнесі. Стелла мен Сораяма сән мен өнерді ұштастыра отырып, жаңа буынға экология мен әлемді сезімталдықпен қарау туралы ой салуды көздеген екен. Бұл коллаборация бірегей визуалды тілді көрсетумен шектелмей, санал тұтынуға шақырып, адам мен технологияның өзара әрекеттесуіне деген жаңа көзқарас ұсынады.

Gentle Monster — өнер мен технологияны біріктіретін, инновациялық әрі авангардтық көзілдірік дизайндарымен танымал корей бренді. Mugler, Maison Margiela және Alexander Wang секілді брендтермен жасалған табысты коллаборациялар Gentle Monster брендінің ерекше стилін одан әрі айшықтай түскен еді. Алайда Tekken 8 ойын сериясымен бірге жасалған Inferno капсула коллекциясы брендтің ең әсерлі коллаборациясы болып қала береді. Inferno көзілдірігі Шайтан Казуяның бейнесінен шабыт ала отырып жасалған: оның күміс жақтауы, қызыл түсті линзалары мен көпқабатты, қара түсті тұтқасы кейіпкердің әйгілі образын қайталайды. Көзілдірікпен бірге Казуяның қолғабына ұқсайтын ерекше футляр мен спорттық сөмке ұсынылады.

Miu Miu брендімен бірге жасалған коллаборация аясында әйгілі New Balance 530 кроссовка моделі авангардтық деконструкцияға ұшырап, қайта жаңғырды. Miu Miu брендінің еркендігі мен 530 үлгісінің танымал дизайны қосылып, ғажап нәтиже әкелді — кроссовкалар сәнқой бойжеткендерің вишлистіне енді. Коллаборацияның екі түрлі нұсқасы қолжетімді болды: біріншісі реңкі жылы, өңделген, винтаж күдеріден, ал екіншісі ақ-қара түсті, өңделмеген күдері мен торлы материалдан жасалды. Бұл шешім жайлылық эстетикасы мен кроссовканы былғары не парусиннен жасалған ауыстырмалы баулар арқылы өзгерту мүмкіндігінің үйлесімін айқындайды. Miu Miu x New Balance коллаборациясы — жайлылықтың, мінездің және адамның өз-өзіне деген сенімінің үйлесімді түрде ұштасуының жарқын мысалы.

Күтпеген жерден пайда болған коллаборациялардың бірі — Dilara Findikoğlu x Heaven by Marc Jacobs. Пайда болған сексуалды әрі еркін коллекция батыл стиль мен әр брендтің өзіне тән ерекшеліктерін ұштастырды. Капсульді коллекция Дилараның мектептегі кездерінен, сондай-ақ Аврил Лавин мен Bikini Kill тобының арқасында танымал болған стильден шабыт ала отырып жасалған. Корсеттер, микро-мини және поп-панк стиліндегі былғары элементтер 2000 жылдардағы стильді еске салады. «Бұл шағын гардероб —жасөспірім кезімдегі арманымның көрінісі. Бұл заттардың әрбір қыздың арманына айналғанын қалаймын», – дейді Дилара коллаборация аясында жасаған жұмысы туралы.

Британдық Hades брендінің бұрыннан бергі жанкүйері Тильда Суинтон кейіннен оның музасына айналды. Екі жыл бойы әзірленген бұл ортақ коллекция актрисаның тұлғасына негізделген. Коллекцияның негізгі шабыт көзі ретінде Тильда түскен төрт фильм таңдалды: «Женская извращенность», «Последняя Англия», «Орландо» және «Суспирия». Коллекцияға «Made in Scotland» және «Nothing Matters» (Суинтонның апасының сүйікті фразасы) жазуларымен әрленген, көлемді шарфтар кірді. Ең ерекше элементтердің бірі — Сьюзан Штрайтфельдтің 1996 жылғы «Женская извращенность» атты фильмінің постерін қайталайтын, қолмен салынған, монохромды аяқтармен безендірілген, трикотаж юбка.

Nike пен Jacquemus коллаборациясы спортта тек нәтижеге жету ғана емес, стиль де маңызды екенін көрсетті. Коллаборация аясында Француз дизайнының enfant terrible — Симон Порт Жакмюс Nike иконографиясын Париж көшелеріне сай батылдықпен қайта өңдеді. Коллекцияның негізгі элементі — Nike логотипі пішініндегі Le Swoosh сөмкесі жай ғана аксессуар беделінен statement piece-ке бірақ көтерілді. «Мен функционалдық шекарасын бұзатын, ерекше пішінді сөмке жасауды ұнатамын. Nike болмысын шынайы түрде айқындайтын, ерекше аксессуар жасағым келді: аты шулы Swoosh», – дейді Симон Порт Жакмюс. Спорттық Nike эстетикасы мен авангардтық Jacquemus көзқарасының үйлесімі сән мен спорттың басын қосқан, бірегей өнімнің пайда болуына әкелді.

Palace x Vivienne Westwood екі брендтің де фирмалық элементтерін қосып, панк эстетикасы мен көше сәнінің үйлесімін бейнелейді. Коллекцияның негізгі бұйымдары — принт салынған корсеттер, GORE-TEX матасынан жасалып, тарихи Westwood принтімен әрленген куртка және мүйізді бас киім мен аю пішініндегі, үлпілдек сөмке сияқты инновациялық аксессуарлар. Шоичи Аоки түсірген лукбук коллекцияны рэперлер, диджейлер және скейтерлер секілді түрлі стильдегі модельдер арқылы айқындайды.