Дүйсенбіде Париждегі Жоғары сән апталығы басталды. Бірінші күнінің өзінде сегіз түрлі коллекция ұсынылды. Ішінен ең үздігін іріктеп алдық. Ең қатты ұнағаны – көрсетілімі кутюр апталығын ашқан Schiaparelli бренді. Dior коллекциясы әсемдік пен оғаштықты, салтанат пен қарапайымдылықты астастыра білді. Ал Джамбаттиста Валли коллекциясынан отаны Марокконың лебі еседі.

Schiaparelli

Дэниэла Розберри бастаған Schiaparelli кутюр авангардынан шығар емес. Жаңа Icarus коллекциясы аясында дизайнер бізді күнге қарай ұмтылып, сән әлемін басқан минимализмге жоғарыдан қарауға шақырады.

«Заманауилықты қарапайымдылыққа теңеуден шаршадым. Жаңашылдық сонда күрделі, барокколық немесе оғаш бола алмай ма? «Заманауи» болып көрінуге ұмтылыс бізді шектеп жүрген жоқ па? Қиялға ерік берерде тежеу болмай ма?», – дейді Дэниэл Розберри.

Розберри ішкиімді айқындайтын терең орбиталық ойынды, киімнің артына ілінген детальдар және аса жіңішке бел сынды контрастылы көлемдерді қолданды. The Gilded Age сериалынан шыққан корсеттердің жамбас сүйекке жақын бөлігі әдейі ұлғайтылған болғанымен, заманауи көрінеді. Бозаң нюд, өңі кеткен жасыл және қызыл қоңыр реңктерден құралған түс палитрасы 1920-30 жылдарға тән, антиквариат дүкенінен табылатын ленталарға нұсқайды.