Дәл қазір Милан көшелерінде серуендеп жүріп, Prada дүкендерінен қайық көріп қалсаңыз, сатып алуға тырыспаңыз. Ол интерьердің бір бөлігі ғана. Сән үйінің жаңа топтамасы италиялық ағаш қайықтарды жарнамалық науқанның негізгі элементі етіп алған. 

Айтпақшы, топтама «Жазғы күндер» деп аталады. Ал оны жарнамалайтын фотосуретке Кендалл Дженнердің қалай түскенін көрдіңіз бе? Жуырда ғана Versace-ні сатып алып, акцияларының құнын бірнеше есеге қымбаттатқан компанияның сөмкесін құшақтамағанда қайтесің?! Ал нәзік түсті қайық пен тынық судың үйлесімін Фердинанд Вердери бастаған шығармашылық топ «тереңдік пен шексіз мүмкіндігіңді сезіну, жаздың алаңсыз шаттығы» деп түсіндіреді. Суреттегі киімдерде қала мен теңіз түйіскендей: ресми мен жеңіл образдың элементтері қатар қолданылып, күйбең тіршіліктің қармағынан қашып құтылғандай әсер қалдырады.