Жаңа хош иіс іздеп жүрсіз бе? Бәлкім, корей әтірлерін қарастырып көретін уақыт келіп жеткен шығар
Бет пен дене күтіміне арналған және сәндік корей косметикасы бьюти әуесқойларына етене танысі. Ал корей парфюмдері қаншалықты танымал? Қазіргі таңда Tamburins, NonFiction және басқа да жаңа брендтер корейлердің ғана емес, әлем халқының жүрегін жаулай бастады.
«Пандемиядан кейін адамдардың өмір сүру салты өзгеріске ұшырады. Мысалы, Корея азаматтары арасында өз болмысын көрсетуге деген қызығушылықтың артқаны байқалады. «Адамның өз-өзіне қамқор болуы» және «жеке бренд» сияқты ұғымдардың пайда болуымен адамдарға даралығын айқындау мүмкіндігін сыйлайтын, кішігірім сән-салтанат заттарына деген сұраныс та өсті. Қазіргі таңда көпшілік хош иістерді жай трендке ілесу үшін ғана емес, өзінің даралығын көрсету мақсатында алады», – дейді RboW брендінің негізін қалаушы Ким Со Хен.
Неге корей парфюмдері дейсіз бе?
«Көптеген батыс брендтері «сән-салтанатқа» баса назар аударады. Ал Кореяның RboW сияқты жаңа парфюмерия брендтері «даралыққа» көбірек көңіл бөледі. Тамыры тереңде жатқан конфуциандық мәдениеті бар Оңтүстік Корея соңғы онжылдықта қарқынды даму кезеңін бастан кешірді. Өз болмысын көрсетуге қатысты сақтық әлі де бар болғанымен, адамдар бірегейлікке көбірек қызыға бастады», – дейді Ким.
«Тарихымыз батыс брендтері сияқты тереңге кетпесе де, біз ерекше әрі эмоцияға толы хош иіс жасауға ұмтыламыз», – деп толықтырды Written On Water брендінің негізін қалаушы Пак Чан Ен.
Бұдан бөлек, корей хош иістері көп жағдайда табиғаттан шабыт ала отырып, табиғи эфир майлары негізінде жасалып, жұмсақ ізімен ерекшеленеді. Бұл ерекшелік оларды күнделікті қолдануды мүмкін етеді. Қысқасы, корей парфюмдері – ыстық әрі ылғалды Азия климатында қолдануға қолайлы хош иістер.
«Сонымен қатар көптеген брендтер теріге себетін ғана емес, матаға жағуға да, үйде қолдануға да болатын, әмбебап хош иістерді көптеп ұсынады», – деп атап өтті Пак.
Болмысыңызға сай, қайталанбас хош иіс табуға дайынсыз ба? Алдырыңызда – Сеулге барғанда қарастыруға тұрарлық жеті бренд.
Tamburins
Blackpink жанкүйерлері бұл брендті жақсы білетін болар. Tamburins – Gentle Monster отбасы құрамына кіретін бьюти және лайфстайл бренді, бренд елшісі – Дженни. Алғашында Tamburins қол күтіміне арналған косметика – крем, сабын және антисептик шығарумен айналысқан болатын. Алайда брендті бәріне мәлім құбылысқа айналдырған жаңашылдық парфюм коллекциясы еді. Елдің назарын аударатын, ерекше хош иістерді ұнатсаңыз, Tamburins брендін қарастырып көріңіз..
Біз Pumpkini әтірін таңдаймыз
Шисо жапырақтарының балғын ноталарымен ашылатын бұл хош иіс зімбір мен асқабақтың жұмсақ қоспасымен «жылынып», кокос сүті мен сандал ағашының кремді аккордымен аяқталады.
Қайдан іздеу керек: Tamburins Seongsu – 8 Yeonmujang 5-gil, Seongdong-gu, Сеул, Оңтүстік Корея; Haus Dosan – 50 Apgujeong-ro 46-gil, Gangnam-gu, Сеул, Оңтүстік Корея.