Clean girl aesthetic біртіндеп өткен шаққа кетіп барады, бірақ минимализм тренді сұлулық индустриясының басқа салаларына таралып жатыр. Косметиканы белсенді қолданушылар 2024 жылды No Buy Year деп атап, артық косметика сатып алмау жылына айналдырды. Бір ғана көзге арналған палетка, оның ішінде 10 реңктің тек екеуі қолданылса да, жеткілікті болып саналады. #projectpan қозғалысы адамдарға өнімді толығымен пайдаланып бітіруге көмектесуде. "Pan" сөзі тура мағынасында "қаптаманың түбі" дегенді білдіреді, ал қаптама түбі қаншалықты айқын көрінсе, соғұрлым жақсы деп есептеледі. Тұтынушылар енді косметиканы саналы түрде пайдаланып, оған бекер ақша жұмсамайды.

Қоңыр былғары мен қоңыр замша – күздің басты сән трендтерінің бірі. Макияжда да дәл осындай үрдіс байқалады. Негізгі трендсеттер – Хейли Бибер. Rhode брендінің toasted teddy реңіндегі румяндарын сатып алу мүмкін болмады, ал espresso реңіндегі лип-тинтке көптеген балама нұсқалар шығарылды. Даршынның хош иісі ерекше тартымды болғандықтан оның жаңа жылға арналған шектеулі коллекциясы толығымен даршынға арналған. 

Charli XCX-тің Brat альбомы осы жаздың феноменіне айналды. Альбомның еркін әрі бейқам стилі адамдарға сұлулық әлемінің шарттылықтарына мән бермеуге мүмкіндік берді. Көзге қара және қоңыр лайнерлер жағу, бетке далап қолданбау және бронзерді көз жұмып-ақ жағу – трендке айналды. Енді боянып, сыланғанда жасағанда кейбір қадамдарды өткізіп жіберу жалқаулық немесе ұят деп саналмайды. Егер сіз әлі де қылқаламмен көз бояуын жаға алмасаңыз, мүмкін, оны жай ғана саусақпен жағуды бастайтын уақыт келген шығар?

Әдеттегідей, Корея – басты трендтердің бастамашысы. Айдолдардың мінсіз шаш үлгісінің сыры – химиялық бұйралау. Олардың шаштары кез келген ауа райында өз қалпын сақтайды. Ең қызығы, азиялықтардың қатты шаш типі ыстық құралдармен сәндеуге оңай көнбегендіктен, бұл тренд өте қолайлы. Қазіргі уақытта кәріс әдісімен шаш бұйралауды Қазақстанда да қолданып жүр. Егер сіз бұрын бұл процедурадан қорықсаңыз, енді оны байқап көруге тамаша мүмкіндік бар.

Сән циклді болғандықтан, ерте ме, кеш пе, біз қайтадан жұқа қастарға оралар едік. Бірақ бұл толық имиджды өзгерту туралы емес, керісінше, қастың қалыңдығын сәл сиретіп, қастардың астынан бірнеше түкті алып тастау арқылы оларға иілгіш пішін беру туралы. Бұл трендке жұлдызды визажист Пэт МакГрат «кінәлі» – ол Maison Margiela көрсетілімінде модельдерді фарфор қуыршақтарға айналдырды. Зендея да Met Gala шарасына сәл қоңырлау макияжбен келіп, трендті нығайта түсті.

Барлығы қайтадан Clinique Black Honey бальзамы туралы сөйлей бастады. Бұл әмбебап реңк ерінге арналған шырынды жидек түстерінің сәнге айналуына түрткі болды. Балама іздеген сұлулық әуесқойлары ылғалдандыратын басқа құралдардың ұқсас реңктерін сынап көріп, мұндай бітім мен түстердің олардың образдарына тамаша үйлесетінін анықтады. Келесі жылы ерінге арналған бітімдердің күңгірт әрі барқыт әсері болатындығы болжанып отыр.