Жақында италиялық Nove телеарнасына берген сұхбатында Папа Франциск монах әйел Рафаэлла Петрини Ватикан губернаторы болатынын хабарлады. Петрини жұмысқа наурыз айында кіріседі. Бұл шешімді тарихи оқиға деуге болады, өйткені қала-мемлекеттің негізі қаланғаннан бері Ватикан губернаторы лауазымына тек ер адамдар ғана тағайындалатын. «Әйел адамдардың Куриядағы (қалалық кеңес – Tatler) жұмысы әрі баяу, әрі тиімді өсті. Қазір мұнда әйел адамдар көп», – деді Папа.

Бұған дейін Курияда жоғары лауазымға ие болған алғашқы әйел адам Симона Брамбилла еді. Брамбилла Папалық Тақ ведомстволарының біріне – Арнаулы өмір және апостолшыл өмір қоғамдары департаментіне префект болып тағайындалған болатын.