Tatler Kazakhstan командасына басылым жарыққа шығар алдында келген Анара өзін дарынды әрі жігерлі маман ретінде танытты. Әлеуметтік редактор қызметінде ол зиялы қауым хроникасы мен эксклюзивті сұхбат жүргізу, сондай-ақ сән, мәдениет және бизнес әлеміндегі көрнекті тұлғалармен байланыс орнату жұмыстарына жетекшілік етті.

Анара Кукиеваның бас редактордың м.а. қызметіне тағайындалуы – оның білікті маман әрі Tatler аудиториясын терең түсінетін жан екенін растайтын заңды қадам. Оның басшылығымен журнал Қазақстандағы зиялы қауым, мәдениет және қоғамдық өмір тақырыптарын ашатын басты басылым ретінде дамуын жалғастырады.

«Tatler-ді басқару жөніндегі ұсынысты сынақ деп білемін. Әріптестерімнің маған сенім артқанына ризамын. Біз шынымен де ерекше, жарқын әрі әсем дүние жасай аламыз деп сенемін», – деп атап өтті Анара Кукиева.

Анара Алматыда медицина саласы бойынша білім алып, стоматолог мамандығын игеріп, 2011 жылдан бастап медиа саласында табысты мансап жолын қуып келеді. Tatler-ге дейін Анара fashion және beauty редактор ретінде Buro 24/7 жобасында шеф-редактор қызметін атқарып, консалтингімен айналысып, жеке кәсіппен айналысқан.