Жарнамалық кампаниялардан бастап «ақылды» әшекейлерге дейін: Париждегі сән апталығында технологиялардың сән әлеміне қалай енгені туралы баяндаймыз.
2025 жылғы Париж сән апталығындағы қонақтарды IT-сөмкелер, виртуалды әлемдегі киім өлшеу бөлмелері мен Инспектор Гаджет стиліндегі көзілдіріктер елең еткізді. Цифрлық төңкеріс сән индустриясына да баса көктеп кіріп келгеніне дәл осы шаралар топтамасында куә болдық. Сіздер де мақаламыздан оқи отырыңыздар.
Жасанды интеллект «қолынан» шыққан киім үлгілері
Жасанды интеллект дизайнерлердің басты құралына айналып келеді. Ол ою-өрнектермен, текстуралармен және силуэттермен сан-қилы тәжірибе жасауға мүмкіндік береді. Мысалы, Moncler брендінде нейрожелі жарнамалық кампанияларды әзірлеуге қолданылды. Ал 2024 жылы оның көмегімен Verone AI курткасы жасалды. Нарықты жылдам талдау мүмкіндігі арқылы жасанды интеллект сән трендтерін алдын ала болжауға көмектеседі. Бұл дизайнерлер мен тұтынушылар арасындағы байланысты нығайта түсуі әбден мүмкін.
«Ақылды» маталар
Сән – динамикалық әрі интерактивті құбылыс. Anrealage бренді жарық диодты жарықтандыруы бар киім үлгілерін ұсынды. Олардың түсі жарықтың түсуіне орай өзгеріп отырады. Ол үшін Стелла Маккартни табиғи процестерге сезімтал маталарды қолданған. Оның өрнегі температура мен қозғалыс әсерінен мың құбылады. Брендтің негізін қалаушы Стелла Маккартни Protein Evolution компаниясымен бірлесіп жұмыс істеген. Бұл компания Biopure технологиясын жасап шығарды. Оның көмегімен жасанды интеллект негізіндегі ферменттер тоқыма және пластик қалдықтарын ыдыратып, полиэстер өндірісіне қажетті жаңа материалдар түзеді.