3. Apple Vision Pro – цифрлық және шынайы әлемнің ұштасуы

Apple Vision Pro – виртуалды шындық пен цифрлық кеңістіктің ең үздік ұштасуы. Ол сізді үйде отырып-ақ жаңа әлемдерді зерттеуге немесе жеке кинотеатрды сезінуге шақырады.

Ерекшеліктері: Spatial Video технологиясының жетістігі; төр бөлмеңізде отырып таныс не арманыңыздағы панорамаларды шынайы өлшемде тамашалаңыз, күллі әлемді шарлаңыз; сүйікті қаһарманыңызбен бірге әлемді құтқарыңыз, яғни жеке 3D кинотеатрыңызға қош келдіңіз. Экраныңызды дуалдай үлкендетіп, көзілдіріктің жанындағы батырманы басып, барлық у-шуды өшіріп, айналаңызда адам толып тұрса да, медитацияға беріліп біраз тыныштықта болыңыз. FaceTime арқылы досыңызбен сөйлесе отырып Персонаңызды тексеріп көре аласыз. 

Болашағы: Егер салмағы азайтылса, Vision Pro кинотеатр мен саяхаттың орнын басатын құрылғыға айналуы мүмкін.

4. Tesla Bot – тұлғаның жеке басына қатысты және өндірістік автоматтандырудың ертеңі 

Tesla Bot – күнделікті өмірді жеңілдетуге арналған гуманоид робот. Бұл құрылғы қарапайым тапсырмалардан бастап, өндірістік автоматтандыруға дейінгі жұмыстарды орындау үшін жасалған. Үй шаруасынан шаршағандар үшін бұл таптырмас көмекші.

Ерекшеліктері: Тамақ дайындау, тазалық жүргізу немесе балаларыңызға қамқор болу сияқты тапсырмаларды орындау арқылы сіздің уақытыңызды үнемдейді. Интуитивті интерфейсі мен бейімделгіш бағдарламалары арқылы қолданушылардың қажеттіліктеріне сай жұмыс істейді.

Болашағы: Үйде де, жұмыс орындарында да тиімді шешім болып табылады. Бәлкім, бұл робот күнделікті көмекшімізге айналатын уақыт та алыс емес. 

5. LG CineBeam Q – портативті проектордың жаңа үлгісі

LG CineBeam Q портативті проекторы – бейнекөріністерді тамашалау үшін ең қолайлы шешім. Жеңіл әрі ықшам дизайнымен ерекшеленетін бұл құрылғы кез келген жерде жоғары сапалы бейнелер ұсынады.

Ерекшеліктері: Жетілдірілген LED технологиясы арқылы айқын және жарқын бейнелерді ұсынады. Сымсыз қосылым мен ақылды функциялар оңай стриминг жасауға мүмкіндік береді. Шағын, бірақ қуатты дизайнмен табиғат аясында да, үйде де қолдануға қолайлы.

Болашағы: Бұл проектор кез келген ортаны жеке кинотеатрға айналдыра алады. Табиғат аясындағы фильм кештеріне арналған ең керемет таңдау. Кинотеатрды өзіңізбен бірге алып жүруге дайынсыз ба?

6. Kangsters Wheely-X – инклюзияның жаңа мүмкіндігі

Wheely-X – ерекше қажеттіліктері бар адамдарға арналған инновациялық тренажер. Физикалық мүмкіндіктері шектеулі адамдар үшін ауа-райына не басқа да кедергілерге тәуелді болмай үйден шықпай-ақ күнделікті жаттығуларын жасауға, салауатты өмір салтын ұстануға мүмкіндік береді. Сондықтан, ұсынылып отырған бұл инновацияны физикалық ерекшеліктері бар адамдарға олардың басты құқұқтарының біріне, яғни барынша ұзақ әрі салауатты өмір сүруіне қол жеткізе алулары үшін ерекше маңызы бар ұмтылыс деп түсінеміз. 

Ерекшеліктері: Арнайы патенттелген бөлшектері оңай жиналып, аса сақтық пен қауіпсіздікті қамтамасыз етеді. Арнайы сенсорлар мен қозғалысты бақылау жүйелері пайдаланушының дене ерекшеліктері мен қозғалыс траекториясына негізделген виртуалды ойын тәжірибесін ұсынады. Арбаға оңай бекітілетін, қауіпсіз әрі сенімді дизайн. Қозғалысты қадағалайтын сенсорлар мен виртуалды ойындарға бейімделген мүмкіндіктер.

Болашағы: Бұл құрылғы инклюзия идеясын дамытып, физикалық және психологиялық дамудың жаңа деңгейін көрсетеді.

7. Rebind AI – оқудың жаңа форматы

Rebind AI – кітап оқуды жаңа деңгейге көтеретін интеллектуалды көмекші. Әдебиет әлемін зерттеуге арналған ерекше құрал.

Ерекшеліктері: Rebind кітап оқу барысында сұрақтар қойып, кітапты жан-жақты талқылау, әзілі мен тарихи контексіне үңіле отырып кітап оқудың мүлде басқа тәжірибесін ұсынады. Әсіресе, классиктерді оқыған сәтте қапелімде ой жарыстырып, іштей толқу тудырған тұстарды қыр-сырын ашып талқылай алатын дос табу қиын, сондай кезеңдерде таптырмас серік бола алады деп сенеміз. 
Болашағы: Rebind AI оқуға деген көзқарасты түбегейлі өзгертеді. Әдебиетті терең түсінуге мүмкіндік беретін бұл құрылғы – сіздің ең сенімді серігіңіз.
Әлем әдебиетіне жаңа көзқараспен қарауға дайынсыз ба?

2024 жылдың үздік инновациялары сән-салтанат пен озық технологиялардың ұштасқан жаңа дәуірін бейнелей отырып шабыттандырады. Tatler оқырмандары үшін бұл инновациялар биік талғам мен әлеуеттік жауапкершілікті үйлестіретін, күнделікті өмірді жақсартып, көкжиекті кеңейтетін жарқын болашақтың көрінісі. Бұл жетістіктерді оңтайлы қолдана отырып біз терең ойлы және жоғары деңгейдегі өмір сүруге инвестиция жасаудамыз.