Полина Осетинская алты жасынан бастап өнер көрсетеді. Сол кезден «вундеркинд» атанған Полина әлі күнге дейін дарыны мен қабілеті арқылы көпті таңғалдырып келеді. Өзгелердің артқан үміті, өз-өзіне қойылған жоғары талап, ішкі күйзелістер, шарасыздық пен аспап үстіндегі мыңдаған машық сағаттары – классикалық музыка әлемінің шынайы бейнесі. Балалық шақтың қиындықтарына қарамастан, музыкадан бас тартпай, өзінің шеберлігін жетілдіре алған өнерпаз қазір Карнеги-холл, Мюзикферайн, Барбикан, Театро Арджентина сынды әлемнің ең беделді сахналарында жарқырап жүр. 

Алматыда Полина Осетинская Лермонтов атындағы театр сахнасында Stages жобасы аясында өнер көрсетті. Концерттен кейін біз онымен кездесіп, талант, ауыр еңбек, өмір сабақтары және Radiohead туралы сұхбат құрдық.