Астананың ең үздік спаларын кішігірім топтамаға жинадық
Астанадағы ауа райының шашқа, теріге, иммунитетке және менталды денсаулыққа теріс әсері мол. Боран, аяз, құрғақ ауамен күресудің бірден-бір жолы — спаға бару. Жылынып, балдыр жамылып (теріні ылғалдандыру мақсатында), қысқа мерзімді цифрлық детокс жасауға болатын жерлер туралы әңгімелейміз.
The Ritz-Carlton, Astana отеліндегі спа
The Ritz-Carlton, Astana-дағы спа орталығы биыл сауықтыру туризмі саласындағы жетістіктері үшін бір емес, екі түрлі сыйлыққа ие болды. Атап айтсақ, Marriott International мен Kazakhstan’s Best Hotel SPA 2024. Ерекше көзге түсетіні, әрине, қызмет сапасы. Тіркеу аймағында жылы шыраймен қарсы алады, ем-шара бөлмесінде қажет заттың бәрін береді, сондай-ақ сонша температурасын қадағалап отырады. Мұнда массаж түрлері де көп. «Маттерхорн шыңы» массажын алып көруге кеңес береміз. Мастер денеңізді ақырын ғана уқалап, теріңізді тартып, оның күшеюіне септігін тигізеді. Атауы La Maison Valmont косметикалық брендінің отаны Швейцариядағы тауға нұсқайды. La Maison Valmont өнімдері, Espa және Thalgo косметикасы процедуралар барысында шешуші рөл атқарады. Құрамы табиғи болғандықтан, бұлардың кремдері мен сарысулары тері жасушаларын жаңартып, қоректендіреді.
Iridium Spa
Iridium қаланың қарбалас өмірінен қашып құтылуға мүмкіндік береді. Спа велнес-ретритке көбірек ұқсайтындай көрінеді: мұнда сергіткіш массаж да, хаммам-ритуал да, лимфа жүйесін күшейтетін терапия да бар. Күн жылыда қонақтар таза ауаға шығып, йогамен айналысады, қыста саунаға не бу бөлмесіне кіріп демалады. Спа The St. Regis отелі аумағында орналасқандықтан, бассейнде жүзіп жүріп, Есіл өзенін көруге болады. Қазіргі таңда «Шоколадты гоммаж» (екі сағаттық теріні қабыршақтандыру терапиясы және массаж) сынды кешенді қызмет түрлеріне сұраныс артып келеді. Процедура шай салтанатымен аяқталады. Мұндай демалыс біразға жететін жеңілдік пен қуат беретіні анық.
