«Ақ Лотос» сериалының үшінші маусымынан кейін күллі әлем Таиландқа қарай бағыт алғандай. Ендеше аралдарға тіке тартпас бұрын ел астанасында біраз аялдап, туристерге лық толы жерлерден мейлінше алыс, нағыз қала рухы сезілетін шынайы Бангкокты тамашалап көріңіз.

Atlas Obscura, Royal Geographical Society, Getty Images сияқты беделді басылымдарда шығармашылығымен танылған фотограф әрі неономад Саша Слива 2024 жылдың күзінде Бангкокқа қоныс аударғаннан кейін «Мұнда қай жерлер шынымен қызық?» деген сұраққа жауап іздей бастады. Іздегені алдынан сұрамай-ақ табылды: қызық көкесі – қаланың «жасырын қазыналары», яғни кез келген адамның көзіне түсе қоймайтын барлар, атышулы стрит-фуд және заманауи галереялар. Саша бүкіл Бангкокты аралап шығып, біз үшін ең таңдаулысын топтама етіп ұсынды:

Sam Lor 

Аспаздардың жұмыстан кейін баратын мейрамханасы

Бангкок мейрамханалары жабылған соң, қаланың түкпір-түкпірінен келген аспаздар Sam Lor-да гурмандарға арналған түнгі афтепатиге жиналады. Мәзірдің өзіндік ерекшелігі – фьюжн стиліндегі тай тағамдары: мысалы, француз суфлесінің әдісімен әзірленген тай омлеті немесе «goong chae nampla» – тай асшаянынан салат жапырақтарына орап ұсынылатын севиче. Дегенмен мейрамхананың ең танымал тағамы – тамаринд тұздығында баяу бұқтырылып ысталған шошқа қабырғалары. Sam Lor мейрамханасының Напол Джо Джантракет пен Саки Хошино есімді аспаздары Тай шығанағының балық өнеркәсібіне қолдау көрсетіп, жергілікті және маусымдық өнімдерді пайдалануға ерекше мән береді.