Детальдерге мән беру

«Адам назары — жаңа валюта» деген идея Сеулде растала түседі. Мысалы, Nudake наубайханасы Instagram-ды жаулап алған, круассан пішініндегі, алып арт-нысандарын жасаумен қоймай, круассан пішініндегі диван аяқтарын да жасайтын болды. Бұл — жүйелі маркетинг мысалы.

Кез келген бюджетке сай креатив

Шын мәнінде креативті шешімдер үлкен бюджетті қажет етеді деген тұжырымды Сеул бизнесі жоққа шығарады. Мысалы, индустрия алыбы әрі lovemark — Tamburins Evening Glow коллекциясының жарық көруіне орай қонақтарға хош иіс себілген, қағаздан жасалған раушан гүлдерін таратып, әлеуметтік желілерді «жарып» жіберді. Бюджет — жоқтың жаны, UGC — өте көп! Қағаз гүлдерді жасауға көп уақыт кете қоймағаны да анық.

Поп-аптар

Поп-ап дүкендері, поп-ап қонақүйлері, арнайы поп-ап кеңістіктері… Кейде поп-ап пен флагмандық дүкеннің ара жігін ажырату қиынға түседі. Мысалы, Mondrian отелі поп-ап нөмірлерін әзірлеуге маманданған. Қазір оның бір қабатын бірақ Pokemon және Helinox outdoor бренді әлемдері алып жатыр.  Maison Margiela Fragrances өзінік жаңа флагмандық дүкенінде Jazz Club атты пластинка кеңістігін ашты. Ал AMUSE ауқымды Hello Kitty коллаборациясының құрметіне поп-ап ұйымдастырды. Әрбір поп-ап аясында эксклюзивті сыйлықтар, ерекше жекелендіру мүмкіндіктері және тек сол жерде ғана алуға болатын, ерекше тәжірибе ұсынылады.

Алдымен идея, содан кейін бренд

Көрме ме, әлде outdoor киім дүкені ме? Сеулде мұны бірден түсіну мүмкін емес. Үлкен ғимараттың кіреберісінде: «Бәрін қуана қарсы аламыз. Табиғат көріністерінен ләззат алыңыз» деген жазу ілулі тұр, сол жағында — кішкентай бренд логотипі (арнайы назар аудармасаңыз, байқалмауы да мүмкін). Қонақ табиғат көріністері бейнеленген фотосуреттер мен экрандардан тұратын көрме кеңістігіне кіреді. Көрмені қарап болған соң ол төменгі қабатқа апаратын құпия өткелді байқайды. Кейін өткел арқылы өтіп, спорттық киім брендіне тап болады.

Жаңа деңгейге шыққан аксессуарлар

Сөмкеге аксессуар тағу — барлық жерде бар нәрсе (корей әжейлерінің сөмкелерінде әйтеуір бір нәрсе ілулі тұрады). Ал Кореяда жаңа тренд — аксессуар түріндегі косметика. Трендке алғаш боп BRAYE бренді кірді, әрі қарай тарайтыны сөзсіз.

2000-шы жылдар қайта оралды

Жапсырма, стикерпак, жапсырмаларға арналған альбом, тіпті жапсырмалармен толтырылып қойған альбом сататын бірнеше дүкен таптық. Ретро стиліндегі жапсырмалар, жылтырақ жапсырмалар, кішкентай жапсырмалар, жарты ноутбукты жабатын жапсырмалар — бұл жерлерде бәрі бар. Жекелендіру трендінің жалғасы.

Сәтті есте сақтау

Сәтті еске сақтау тәсілдері көп: телефон, цифрлық фотоаппарат, таспалы камера, сондай-ақ әр көшеде бар, тематикалық фотобудка. «Сеулде баруға болатын 9 фотобудка» секілді мақалалар жиі шығып тұрады, барып көремін десеңіз, кезекке тұруға дайындалыңыз. Дегенмен фотобудкаларда жекелендіру үшін қажет нәрсенің бәрі бар: тематикалық декорациялар, қызық атрибуттар, косметика, шашты үтіктейтін не бұйралайтын құралдар, шаш кептіргіш, және т.б.

Гастрономия әлеміндегі әсер алу экономикасы

Қосымша «вау» эффектін ұсынатын кафе мен ресторандар мәдениеті — big thing. Аэропорт стиліндегі кафеде (BOEING) рейстер кестесі мен бизнес-класс орындықтары бар, қол жуатын бөлмесі де ұшақ дәретханасына ұқсайды. Үнемі жаңбыр жауып тұратын (Rain Report) кафе. Немесе барлығы круассаннан жасалған (Nudake) кафе. Иттерге арналған «балабақша» (Samoyed Cafe) кафесі. You name it!

Концепциялардың саны шын мәніне таңғалдырады, «пайдаланыңыз, поп-ап ашыңыз» дегің келіп кетеді. Алайда әлеуметтік желілер арқылы кафенің қандай екенін түсіну қиын. Навигациялық жүйе қызметін мұнда TikTok пен Instagram желілері атқарады. Мекеменің концепциясы мен офлайн-маркетингке осыншама көп қаржы жұмсалғанда, оның онлайн-тартымдылығына неге назар аударылмайды — Корея бизнесіне қойылатын ашық сұрақ. Бұл тренд осында қала берсін.

Кейде Корея әсер қалдырамын деп тым қатты кетіп қалып, театрға ұқсап қалады. Instagram-да аты шулы Starfield кітапханасы — эскалаторлары бар фотозона болып шықты. Тұрған кітаптардың бәрі өтірік, эскалаторлар, журналдар және суретке түсуге келетін адамдар ғана шынайы.

Ережелерде де өзіндік tone of voice бар

Шоурумдар мен поп-ап дүкендерінің кіреберісінде жиі сусындарға арналған үстел тұрады, яғни қонақтар ғимаратқа сусындарымен кірмей, оларды үстелдің үстіне қойып кетеді. Дұрыс тон — «Сусынмен кіруге болмайды» деген дәу жапсырманың орнына әрленген әрі брендтелген, сусын қоюға болатын үстел қою. Күзде мұның орнын брендтелген қолшатыр қойғышы басады.

Іштегі балаға деген құрмет

Сеул — ойыншықтарға, жапсырмаларға және балалық шақтан қалған кейіпкерлер бейнеленген заттарға толы қала. Бақаның пішініндегі брелок не үлкен ойыншық панда сізге бір күннен кейін-ақ қажет болып қалады. Көңілді атрибуттарды тіпті байсалды бизнесмендердің лугынан да табуға болады. Мұнда іштегі бала қанат жайып, жобаларыңызды іске қосуға көмектеседі.