Франциядан Қазақстанға дейін — Lonely Planet 2025 жылдың ең қалаулы туристік бағыттарының тізімін жариялады
2025 жылға жасаған жоспарыңызда саяхаттау бар ма? Lonely Planet 2025 жылы баруға болатын 30 үздік орын мен 10 басты туризм трендін атады.
Lonely Planet-тің айтуынша, Қазақстан — табиғат, мәдениет және тарих қоршаған ортада шытырман оқиғаларды бастан өткергісі келетін зерттеушілерге арналған, тамаша орын. «Сайрам-Өгем ұлттық паркінде табиғат көріністерін дерлік жалғыздықта тамашалауға болады. Дәмді тағамдарымен танымал қала — Шымкентте жылқы не қой етінен дайындалатын ұлттық тамақ — қазы-қартасы бар бешбармақтың дәм татып көру керек, ал Алматыда кеңес билігінің мұрасы атмосферасына бөленуге болады», – дейді рейтинг.
Ерекше әсер қалдыратын жер деп Lonely Planet бірнеше орынды атап өтіпті: Алматыдағы Auyl рестораны, Алтынемелдің әнші құмдары және Шымкенттегі Bozjyra рестораны.
2025 жылға арналған тізімде танымал туристік бағыттармен қатар жасырын қазына да бар — Жапониядағы Осака қаласының динамикалық атмосферасынан Үндістандағы Пудучерридің француз архитектурасы мен Лаос елінің табиғатына дейін.
Сөмкеңізді жинап, маршрутты жоспарлайтын кез келді — әлем сізді күтіп тұр.
Чианг Май, Таиланд
Адамдар Ват Пхра Сингх храмы жанындағы түнгі базарда тамақ ішіп отыр. Чиангмай, Таиланд. | Фото: Getty Images
1 / 1
Чиангмай — солтүстік Таиландтың гастрономиялық астанасы. Мұнда тамақтану — күнделікті қарым-қатынас пен жергілікті мәдениеттің маңызды бөлігі. Бұл жерде дәстүрлі сәлемдесу гастрономияның қоғамдағы орнын айқындайтын «тамақтанып алдыңыз ба?» сұрағынан басталады. Жергілікті тұрғындар базиликпен бірге қуыруға жарайтын көкөністер туралы қызу пікірталас құрып, тәтті, қышқыл, тұзды және ащы дәмдерді үйлестіру тәсілдерін табуға бел буып жатады —жеткен жерінде тоқтамайтын, қиындықтан қорықпайтын халық.
Қаңтарда қала Чиангмайдың ең танымал тағамдарын татып көруге болатын тамақ фестивалімен жандана түседі. Ал Мәдени орталықта өтетін «хан-ток» форматындағы кешкі ас қонақтарды дәстүрге бойлатып, асты театрлық қойылыммен толықтырады.
