«Сақиналар әміршісі» анимесінен бастап готикалық «Носферату» хоррорына дейін — желтоқсанда қандай фильмдер мен сериалдарды көрген жөн?
Жыл соңында кинозалдар мен стриминг платформалары бізді көптеген қызық премьералармен қуантпақ. Бұл фильмдер мен сериалдар жайлы қысқы кештеріңізді одан әрі жақсартады деп үміттенеміз. Кей фильмдер «жайлы» деуге келмесе де, мереке алдындағы күндеріңізді әрлендіретіні анық.
Жылдың соңғы айы әсіресе жанрлардың саналуандығымен қуантады. Желтоқсанда көрермен алдына ұсынылмақ туындылар: шын мәнінде қорқынышты «Носферату» ремейкі, «Аңшы Крейвен» блокбастері, «Сақиналар әміршісі» әлеміне негізделген, толықметражды аниме, «Бейтаныс жан» — Тимоти Шаламэ Боб Диланның рөлін сомдаған байопик, сондай-ақ «Кальмар ойыны» сериалының көптен күткен екінші маусымы.
Сақиналар әміршісі: Рохиррим шайқасы
Премьера: 2024 жылдың 12 желтоқсаны
Толкиен әлеміне негізделген, толықметражды аниме-жоба Питер Джексонның «Сақиналар әміршісі» трилогиясына дейін болған оқиғаларды бейнелеп, Рохан патшасы Хелм Молоторукийдің хикаясын баяндайды. Фильм авторлары Рохан тарихындағы маңызды орындардың бірі — Хорнбург бекінісіне баса назар аударған екен. Сапалы графика мен әсерлі пейзаждар 12 желтоқсан күні көрермендерді ерекше атмосфераға ие әлемдердің біріне қайта аттандырмақ.