3. «A Family Affair» – 18 жастағы қызының жұлдыз бастығына ғашық болып қалған Николь Кидманның тарихы. Зак Эфронның сомдауындағы кейіпкермен романтикасы арқылы әйелдің ішкі сезімдері мен қиялдарына терең үңілу ұсынылады.

4.«Babygirl» – Бұл жолы Николь Кидман биылғы жылдың фаворитіне айналған Харрис Дикинспен экранды бөліседі. Осы фильмдегі эротикалық эпизодтар көрермендерге ерекше әсер қалдырды.

5. «Bridget Jones: Mad About the Boy» – Атақты Бриджит Джонс оқиғаларының жалғасында, басты кейіпкер жап-жас Лео Вудалл ойнайтын кейіпкермен қарым-қатынас құрып, өмірге жаңа көзқараспен қарайды.

Бұл фильмдердің тағы бір ортақ ерекшелігі – барлығында романтикалық кейіпкерлер ретінде жас жігіттердің бейнеленуі. Голливуд осылайша female gaze ұғымын жаңаша бағытта көрсетіп, әйелдерге арнап тартымды, сымбатты жас жігіттерді романтикалық бастамаларға ұсына бастағандай.

Бұл өзгерісті тек көркем фильмдерден ғана емес, комедия жанрынан да байқауға болады. Мәселен, 2024 жылдың қазанында шыққан Netflix-тің Али Вонгтың «Бойдақ» атты стендап-шоуы көпшіліктің назарын аударды. Али сахнада 40 жастағы әйелдің ажырасудан кейінгі өмірі бұрынғыдан да қызық, әсерлі әрі өзіндік ізденіске толы екенін юмормен жеткізді.

Егер бұрын ер адам әйелді асырайтын, «отбасын қамтитын» қағида болса, бүгінгі күні өзін-өзі асырай алатын, кәсібінде табысты, тәуелсіз әйелдер бұл стандарттардан арыла бастағанын байқаймыз. Ажырасудан қорықпайтын, өз қалауына ашық әйелдер саны көбейіп келеді. Ал мұндай кейіпкерлердің оқиғалары экранда көбейе түссе, шынайы өмірдегі әйелдер де шабыт алар жаңа бағыт табатыны сөзсіз.

Бұл жаңа бағыт әйелдерге кеңірек таңдау мүмкіндігін беріп, оларды тәуелсіз, өмірін басқарып, әрбір сәттен ләззат алатын тұлғалар ретінде көрсетуге арналғаны анық. Сонымен қатар, бұл сюжеттердің танымалдығы тек Голливудта ғана емес, бүкіл әлемде әйелдерге деген көзқарасты қайта қарауға, қоғамның әйелдерден күткен стереотиптерін өзгертуге де ықпал етіп отыр деуге негіз бар. Бұған қоса, қазіргі заманғы әйелдер туралы жаңа түсініктерді қолдаған актерлердің, режиссерлер мен сценаристердің рөлін де атап өткен жөн. Олар әйелдердің жасы мен отбасы жағдайына қарамастан, тартымды әрі бақытты болуға құқылы екенін ашық көрсетіп, кино индустриясына жаңа тыныс әкеліп отыр. Мұндай өзгерістер әсіресе жас ұрпаққа үлгі болатыны сөзсіз. Жастар әйелдердің сұлулығы мен құндылығы тек жасқа ғана тәуелді емес екенін көріп өссе, бұл алдағы уақытта гендерлік теңдікті қамтамасыз етуде де маңызды қадам болмақ.