Пол Мескалдың елеулі рөлдері және оның әйгілі күміс алқасының сыры жайлы сөз қозғаймыз
«Гладиатор 2» фильмі шыққаннан кейін сыншылар Пол Мескалды «фильмнің жүрегі» және Ридли Скоттың шығармасының «қаһарлы көзірі» деп бағалады. Бұл ирландиялық жас актердің күшті әрі табанды кейіпкер рөлінде жаңа қырынан танылған кезі ретінде есте қалды.
Осы бір жастығына қарамастан, Пол Мескал «Гладиатор 2» аренасына шықпай тұрып, «Оскар», «Эмми» және BAFTA сынды беделді марапаттарға ұсынылған шебер актер ретінде көзі қарақты көрерменнің есінде. Ұмытып тұрсаңыз, Голливудтың ирландиялық жігіттің несіне ғашық болғанын талдап, елеулі рөлдерін жіпке тізіп шығайық.
«Қарапайым адамдар» (Normal People)
Актердің алғашқы маңызды жобасы Салли Рунидің романы бойынша түсірілген «Қарапайым адамдар» атты психологиялық драмасы болды. Бұл сериалдағы Коннелл Уолдрон рөлі Мескалға «Эмми» номинациясын әкелді.
Сериалда Ирландияның шағын Слайго графтығында мектепте оқитын Марианна мен Коннелдің күрделі қарым-қатынасы баяндалады. Олардың бір-біріне деген қызығушылығы жай ғана достық пен махаббат шеңберінен асып түседі. Дәл осы түсініксіз, бірақ жақын қарым-қатынас сериалды басқа романтикалық драмалардан ерекше етеді. Кейіпкерлер кейінірек Дублиннің Тринити колледжінде қайта кездесіп, олардың хикаясы жаңа дағдарыстық кезеңдерге ұшырайды.
Критиктер мен көрермендер Пол Мескалдың осы туындыдағы рөлін жоғары бағалаған. Ол Коннелдің ішкі қайшылықтарын артық драмасыз, шынайы көрсете алған. Актер Коннелдің туған қаладан көшіп кетуін, жаңа ортаға бейімделуін және Марианнаға жасаған қателіктері үшін ұялуын шебер жеткізген. Оның қарама-қайшы болмысы көрермендердің жүрегіне де терең әсер еткен.
Коннелдің мінезі айрықша: ол ақылды, бірақ тұйық; тартымды, бірақ өзіне сенімсіз. Мескалдың шеберлігі Коннелдің нәзік, қайғылы және осал бейнесін тамаша сомдам шыққані.
«Қарапайым адамдар» (Normal People)
1 / 1
