Тимоти Шаламенің мұрт өсіріп, шаш үлгісін өзгерткенін байқадыңыз ба? Жас актердің Джош Сафди мен A24 студиясының Marty Supreme атты жаңа фильміне түсіп жүргені ғой. Спорттық драма екені белгілі, басқа ақпарат жоқ. Фильм жайлы білетінімізді айтамыз.

Сюжет

Фильм америкалық үстел теннисі ойыншысы Марти Рейсманның хикаясын баяндайды. Биографиялық емес, көркем шығарма болмақ,

Марти Рейсманның шын мәнінде болған адам екенін айта кету керек. Ол — 1930 жылдың бірінші ақпанында дүниеге келген жан. 12 жасынан бастап үстел теннисіне қызығып, жертөледегі кептіргіштің жанында дайындалған екен. 40-шы жылдары ақша тігуге құмар хастлер болыпты (заңсыз әрекет ететін адам – Tatler). Кейіннен Рейман спортқа кәсіби түрде кіріседі. 1946-2002 жылдар аралығында 22 ірі атаққа ие болып, үстел теннисі бойынша әлемдік чемпионаттардан бес рет қола медаль алып шығады. Ерекше ойын стиліне қарай оны «Ине», «Үстел теннисі сиқыршысы» деп те атапты. Спортшы 67 жасында 1997 жылғы хардбат бойынша Ұлттық АҚШ чемпионатының жеңімпазы атанған. Сөйтіп, ең қарт ойыншы әрі Table Tennis Nation ұйымының негізін қалаушы болып тарихта аты қалған. Ұйым құрылғаннан бері екі жыл өткен соң, 82-ге келген Марти Рейсман қайтыс болады. Жүрек және өкпе ауруларының асқынуы себеп болған сыңайлы. Рейсманның хикаясы The Money Player: The Confessions of America's Greatest Table Tennis Champion and Hustler атты автобиографиялық кітапта баяндалады.