2. Жаклин Новак: Get On Your Knees (2024)

Жаклин Новактың бұл шоуы 2020 жылы Drama Desk Award сыйлығына ұсынылған бір адамдық қойылымының Netflix-ке бейімделген нұсқасы. Комедиясында жасөспірімдік кезең, жыныстық қарым-қатынастар және әйелдердің күші сияқты тақырыптарды ерекше тапқырлықпен жеткізеді. Режиссері – Наташа Лионн (Russian Doll сериалы – Tatler).

3. Хасан Минхадж: Homecoming King (2017)

Хасан Минхадж иммигранттық өмір мен отбасы дәстүрлерін күлкілі әрі әсерлі әңгімеге айналдырған. Оның комедиясы жүрекке жылы тиіп, біздің бәрімізге ортақ сезімдерді қозғайды. 

4. Джим Гэффиган: Cinco (2017)

Джим Гэффиган фастфудқа деген махаббатын комедияға айналдырып, барлығымызға таныс жалқаулық пен күнделікті ләззаттарды тапқырлықпен сипаттайды. 

5. Том Папа: You’re doing great (2020)

Том Папаның бұл стендап шоуы адамдарға күнделікті өмірде жақсы көңіл күй сыйлайды. Оның оңтайлы әзілі отбасы, қарым-қатынас, және өзіңді қабылдау сияқты тақырыптарды қамтиды. 

6. Тейлор Томлинсон: Quarter-Life Crisis (2020)

Тейлордың жиырмасыншы жастағы өмірдің қиындығы мен қызықтарын әңгімелеуі - жаңа буынның барлық уайым-қайғысын күлкіге айналдыратын таптырмас туынды.

7. Нейт Баргатцэ: The Tennessee Kid (2019)

Нейт Баргатцэ күнделікті өмірдің қарапайым оқиғаларын жайлы, жеңіл әрі шынайы стильде жеткізеді. Оның отбасы өмірі мен саяхаттағы оқиғаларын сипаттауы көрерменді күлкіге батырады.

8. Али Вонг: Baby cobra (2016)

Али Вонг бұл шоуда жүктілік, отбасы және мансап туралы әңгімелерін өткір әзілмен жеткізеді. Бірінші баласын күтіп жүрген кезіндегі түсірілген бұл стендап оның комедия әлемінде танымал болуына үлкен серпіліс әкелді.

9. Майк Бирбиглия: The New One (2019)

Майк Бирбиглия әке болудың қызықтары мен қиындықтарын комедияға айналдырған. Бұл шоуда ол ата-ана болудың шынайы эмоцияларын, соның ішінде қуаныш, махаббат және кейде ашу-ыза сияқты сезімдерді ашық жеткізеді.

10. Энтони Джезелник: Fire in the Maternity Ward (2019)

Энтони Джезелник өзінің «қара әзіл» стилімен белгілі. Бұл шоуда ол ауыр тақырыптарды, соның ішінде түсік тастау мен терроризмді, ерекше тапқырлықпен әрі батылдықпен жеткізеді. Оның шоуы көрермендерді күлдіріп қана қоймай, терең ойға салып шомылдырады.

Бұл стендап шоулар күлкінің емдік қасиетін дәлелдейді. Олар бізді күнделікті өмірдің қарапайым, кейде оғаш тұстарын басқаша қабылдауға, өмірдің кез келген сәтінен қуаныш табуға үйретеді. Netflix ұсынған бұл ең ерекше комедиялар тізімі кешкі демалысыңызды жандандырып, шынайы көңіл көтеруге мүмкіндік береді.