«Шерткіш» маусымы: балет, жаңа жылдық шырша, дәріс сияқты іс-шараларды қайдан табуға болады
Жаңа жыл қарсаңында қазақстандық театрларда көптеген премьералар мен қойылымдар жүріп жатады. Арасынан ерекше көзге түсетіні, әрине, «Шерткіш» негізінде қойылған көріністер. Мұнда әлемдік жұлдыздар өнер көрсететін балет те, балаларға арналған ертегілер де, білім беретін дәрістер де бар. Қазақстанда «Шерткішті» көру үшін қайда және қашан баруға болатыны туралы әңгімелейміз.
«Шерткіш» балеті
Классикалық балет театры сахнаға Петр Ильич Чайковскийдің Мариус Петип либреттосы негізінде жазылған қойылымымен шықпақ. Екі актіден тұратын балеттің басты партияларына Санкт-Петербургтен келген халықаралық сыйлықтар лауреаттары жауапты. Петербург балет мектебінің өнеріне тәнті болу мүмкіндігі Ақтөбе (19 желтоқсан), Ақтау (21 желтоқсан), Атырау (22 желтоқсан) және Орал (13 желтоқсан) қалаларының тұрғындарына дарымақ.
Әлемдік деңгейдегі балет жұлдыздары — ҚазҰОБТ ұсынған «Шерткіш»
Бір ғана антрактісі бар спектакль ҚазҰОБТ-ның гастрольдік сахнасында қойылмақ. Қойылымға Абай атындағы ҚазҰОБТ оркестрі мен балет тобы қатысады. Бас партияларға Корольдік Ковент-Гарден театрының прима-балеринасы Ясмин Нахди мен премьері Сесар Корралес жауапты. Премьерасы 28 желтоқсан күніне жоспарланған.
