2024 жылы біз көрген ең үздік корей дорамалары

Ең үздік корей дорамаларының топтамасын қабыл алыңыздар

«Кальмар ойындары» (Squid Game), «Мұң ханшайымы» (Queen of Tears) және «Маскадағы қыз» (Mask Girl) сияқты дорамалар қысқа мерзім ішінде әлем бойынша көрермендердің жүрегін жаулап алды. Бұл — Шығыс Азия кинематографиясының гүлденіп, тоқыраусыз қарыштап дами түсуінің айғағы. Осы жылы жарыққа шыққан жаңа комикс адаптацияларынан бастап, көпшілікке танымал сериалдардың жалғасына дейін ең үздік корей дорамаларына шолу жасадық.

Кенсонның құбыжығы (Creature from Gyeongseong)

Оқиға 1945 жылы өрбиді. Тарихи детективті триллер адамзатқа жасалған заңсыз тәжірибелердің нәтижесінде пайда болған ғажайып құбыжықтар жайлы. Ал екінші маусымында басты кейіпкер қазіргі заманғы Кореяға көшіп келіп, осы оқиғаны бастаған антикварлық дүкеннің иесі Чан Тхэ-Санның «көшірмесіне» кез болады. Олар бұрыннан шешімін таппаған мәселелерге нүкте қою үшін күш біріктіреді.

IMAGE Кенсонның құбыжығы (경성 크리처) | imdb

Кенсонның құбыжығы (경성 크리처) | imdb

1 / 1

«Батыр болмасам да» (Even Though I’m Not a Hero)

Сериал жас жігіт туралы. Бас кейіпкердің отбасындағы әрбір мүшенің ерекше супер қабілеті бар. Бас кейіпкер уақытты артқа қайтара алса, анасы болашақты болжайды, ал үлкен әпкесі ұша алады. Алайда күнделікті қиындықтар мен зиянды әдеттер олардың дарындарын шектеп, қауқарсыз етеді. Бірақ жұмбақ қыз пайда болған соң, бәрі өзгеріп сала береді. Енді бас кейіпкер бұл екі жайдың байланысы мен супер қабілеттерін қалай қайтаруға болатынын анықтауы керек.

IMAGE «Батыр болмасам да» (비록 내가 영웅은 아니지만) | imdb

«Батыр болмасам да» (비록 내가 영웅은 아니지만) | imdb

1 / 1

Тергеу бөлімінің бастығы 1958 (Chief Inspector 1958)

Бұл сериал 1970-80 жылдардағы классикалық корей дорамасы «Тергеу бөлімінің бастығы» (Chief Inspector) үшін приквел болып саналады. Туындыда 1958 жылғы оқиғалар және детектив Пак Ен-Хан мен оның командасының бастан кешкендері баяндалады. Олар ұсақ ұрыларды ұстап, жемқорлықпен күреседі.

IMAGE «Тергеу бөлімінің бастығы 1958 (수사반장 1958)» | imdb

«Тергеу бөлімінің бастығы 1958 (수사반장 1958)» | imdb

1 / 1

Бақа (The Frog)

Режиссёр Мо Ван-ильдің мистикалық триллері екі түрлі уақытта өмір сүретін Гу мен Чон туралы. Бірі 2000 жылда өмір сүріп жатқан ауылдағы шағын қонақ үйдің иесі болса, екіншісі 2021 жылы ормандағы пансионатты басқарады. Сериал бойы бейтаныс адамдардың өмірін байланыстыратын жұмбақ оқиғаларға куә боласыз.

IMAGE «Бақа» (개구리 ) | imdb

«Бақа» (개구리 ) | imdb

1 / 1

Шам дүкені (The Lamp Store)

Кан Фулдың аттас вебтунына негізделген бұл қиял-ғажайып оқиға алты бейтаныс адамның жарық дүкенінде тұтқындалуы аясында өрбиді. Олар бұл орыннан шығудың жолын іздеп жүріп, өткен оқиғаларын талдап, өздерінің психологиялық травмаларымен күресуді үйренеді. Сериал жоғары деңгейдегі актёрлік құраммен танымал. Оған Пак Поен (Strong Woman Do Bong-soon), Ким Соль-хен (Orange Marmalade) және Чу Джи-хун (Goong) кіреді.

IMAGE «Шам дүкені» (램프 가게) | imdb

«Шам дүкені» (램프 가게) | imdb

1 / 1

«Сон-джэні ал да, қаш» (Run with Sung-jae)

Бұл дорама «Ең жақсы ертең» (The Best Tomorrow) атты танымал вебтун желісі бойынша түсірілген. Сюжет бойынша бас кейіпкер өткен шаққа оралып, өз-өзіне қол жұмсаған танымал актёр Сон-джэнің әрекетіне тосқауыл болмақшы. Бірақ уақытқа саяхат жасайтын кез келген фильмдегідей кейіпкердің әрбір әрекеті осы шаққа әсер етіп, сериал шытырман оқиғаға ұласады. Басты рөлдерді Ким Хе-юн (Sky Castle) және Пен У-сок (Record of Youth) сомдайды.

IMAGE «Сон-джэні ал да, қаш» (잡아라 송재) | imdb

«Сон-джэні ал да, қаш» (잡아라 송재) | imdb

1 / 1

«Күйеуіме тұрмысқа шық!» (Marry My Husband)

Дораманың бас кейіпкері кек сақтап, «асықпаған арбамен қоян алар» дегенге басады. Ол он жыл бұрынғы уақытқа сапар шегеді. Себебі осы шақта оның некесі бұзылудың аз-ақ алдында. Шешуші сәт — күйеуінің ең жақын құрбысымен опасыздық жасауы. Ашуға берілген бас кейіпкер жұпқа шабуыл жасап, бірақ кейін өзі қайғылы түрде қаза табады.

IMAGE «Күйеуіме тұрмысқа шық!» (내 남편을 죽여줘)
| imdb

«Күйеуіме тұрмысқа шық!» (내 남편을 죽여줘)
| imdb

1 / 1

«Күн мен Түн ханым» (Miss Day and Night)

Бір күні жалғызбасты Ли Мин-чжин 50 жастағы әйелдің денесінде оянады. Осы сәттен бастап ол қос өмір сүруге мәжбүр: күндіз ол 50 жастағы әйел болса, түнде қайта өз қалпына келеді. Бұл жағдай оған жаңа өмір бастауға мүмкіндік береді. Мысалы, прокуратурадағы жұмыс пен Ке Джи-ун есімді аздап тұйық, бірақ қызықты жас жігітпен танысу. Басты рөлдерді Apink тобының мүшесі Чон Ынджи мен «Наследники» дорамасының жұлдызы Чхве Джинхек сомдайды.

IMAGE «Күн мен Түн ханым» (미스 데이 앤 나이트) | imdb

«Күн мен Түн ханым» (미스 데이 앤 나이트) | imdb

1 / 1

Планктон мырза (Mr. Plankton)

Бас кейіпкер әрқашан жарқын өмірді армандайды. Ол ешқашан көрмеген әкесін іздеуге шығып, үйлену тойынан қашып кеткен Чо Чжэ-мимен жолығады. Олар бірге қиындықтарды жеңіп, өмірде өз орындарын іздейді. «Кальмар ойындарының» жұлдызы Ли Ю Ми мен «Құтырған ит» туындысының актёрі У До-хван жаңа рөлдерімен көзге түседі.

IMAGE «Мистер Планктон» (미스터 플랭크톤) | imdb

«Мистер Планктон» (미스터 플랭크톤) | imdb

1 / 1

«Ештеңе жоғалтқым келмейді» (Don’t Want to Lose Anything)

Бұл романтикалық комедияда Син Мин-а Сон Хэ-еннің рөлін сомдайды. Ол «Теңіз жағасында орналасқан қаладағы Ча-ча-ча» дорамасындағы өмірге есеппен қарайтын бас кейіпкерді еске түсіреді. Қызмет бабымен жоғарылау үшін бар күшін салады. Ол үшін өтірік үйленуге бел буады. Ал дүкенші Ким Чжи-ук арам ойын жүзеге асыруға көмектеседі.

IMAGE «Мен ештеңе жоғалтқым келмейді» (잃고 싶지 않아) | imdb

«Мен ештеңе жоғалтқым келмейді» (잃고 싶지 않아) | imdb

1 / 1

Шынымды айтсам (To Be Honest)

«1988-дегі жауап» дорамасындағы актёр Ко Ген-пхе мен «Стартап» жұлдызы Кан Хан-на романтикалық комедияда бас қосты. Сюжетте шындық эликсирі сияқты әсер ететін ауруы бар диктор өмірі басты назарда болады. Белгілі сценарист оны өз шоуына шақырғанда, диктордың мұндай мәселесі бар екенін білмейді. Екеуі қиындықтарды бірге еңсеріп, өтіріксіз өмір сүруді үйренеді.

IMAGE «Шынымды айтсам» (솔직히 말해서) | imdb

«Шынымды айтсам» (솔직히 말해서) | imdb

1 / 1

Түнгі фотостудия (Night Photo Studio)

«Емдік» әсері бар бұл роман жалғыздықта өмір сүретін жас жігіт туралы. Ол елестермен жұмыс істейтін шағын фотостудияны басқарады. Бас кейіпкер қаржылық қиындықтарға тап болған қызбен танысады. Олар адасқан жандардың тыныштық табуына бірге көмектеспек болады. Бұл шешім олардың өз өмірін де өзгертіп сала береді. Сериал махаббат, өмір мен өлім тақырыптарын қозғайды. Басты рөлдерді Квон На-ра («Итхэвон сыныбы»), Чжу Вон («Мейірімді дәрігер»), Ю Ин-су («Күшті қыз До Бон Сун») және басқа актёрлер сомдайды.

IMAGE Түнгі фотостудия (Night Photo Studio) | imdb

Түнгі фотостудия (Night Photo Studio) | imdb

1 / 1

«Каннамның басқа қыры» (Gangnam Undercover)

Сюжет PSY-дың әйгілі әні арқылы танымал Каннам аймағының қылмыстық әлемі жайлы. Барда істейтін қыз жұмбақ жағдайда жоғалып кеткеннен кейін детектив, брокер және прокурордан құралған топ оқиғаны зерттеуге кіріседі. Тергеу барысында олар түнгі Каннамдағы жантүршігерлік құпияларды ашады.

IMAGE «Каннамның басқа қыры» (강남언더커버) | imdb

«Каннамның басқа қыры» (강남언더커버) | imdb

1 / 1

«Шығар жол жоқ: Рулетка» (No Exit: Roulette)

Оңтүстік Кореяда бетперде киген беймәлім біреу Ким Гук Хоны өлтіргені үшін 20 миллиард вон сыйақы жариялағаны сол екен, бүкіл ел дүрбелең астында қалады. Детектив Пэк Джун-сик өзі аңдыған қылмыскерді қорғауға мәжбүр болады. Бетбұрысқа толы оқиғалар көрерменді алғашқы минуттан елітіп әкетеді. Рулеткаға тағы кім таңдалады және Ким Гук Хоның айыбы не?

IMAGE «Шығар жол жоқ: Рулетка» (노엑시트: 룰렛) | imdb

«Шығар жол жоқ: Рулетка» (노엑시트: 룰렛) | imdb

1 / 1

«Сегіздің шоуы» (The Eight Show)

Бұл сериал «Кальмар ойыны» жанкүйерлеріне ұнауы мүмкін. Режиссёр Хан Джэ-римаға «Қанды ойын» мен «Ақшаға ойнау» атты танымал цифрлық комикстер шабыт сыйлаған. Сюжет бойынша сегіз бейтаныс адам ақша ұтып алу үшін реалити-шоуға қатысуға келіседі. Оларға 100 күн бойы сегіз қабатты ғимаратта өмір сүруге тура келеді. Ал ол жерден шығу мүмкін емес. Комедиялық триллердегі басты рөлдерді Рю Джун-ель («1988-дегі жауап»), Чхон У-хи («Батыр болмасам да») және Пак Чон-мин («1988-дегі жауап») сомдайды.

IMAGE «Сегіздің шоуы» (에이트쇼) | кинопоиск

«Сегіздің шоуы» (에이트쇼) | кинопоиск

1 / 1

«Кісі өлтірушінің парадоксы» (Killer’s Paradox)

Бұл дорама Ли Тан есімді студент пен тәулік бойы жұмыс істейтін дүкен сатушысы туралы. Бір күні түнде ол дөрекі сатып алушымен жанжалдасып қалып, ашу үстінде оның басынан бір ұрады. Жәбірленуші бұрыннан іздеуде жүрген қылмыскер болып шығады. Бұл Ли Танды түрмеден құтқарып, жан тыныштығын табуға көмектеседі. Алайда Лидің одан әрі қылмыс жасауы жиілеп, тәжірибелі детективтің назарына ілігеді.

IMAGE «Кісі өлтірушінің парадоксы» (킬러의 패러독스) | imdb

«Кісі өлтірушінің парадоксы» (킬러의 패러독스) | imdb

1 / 1

Темы

Драмалар Кальмар ойыны

Tatler Asia

2024 жылы біз көрген ең үздік корей дорамалары

Кенсонның құбыжығы (Creature from Gyeongseong)

«Батыр болмасам да» (Even Though I’m Not a Hero)

Тергеу бөлімінің бастығы 1958 (Chief Inspector 1958)

Бақа (The Frog)

Шам дүкені (The Lamp Store)

«Сон-джэні ал да, қаш» (Run with Sung-jae)

«Күйеуіме тұрмысқа шық!» (Marry My Husband)

«Күн мен Түн ханым» (Miss Day and Night)

Планктон мырза (Mr. Plankton)

«Ештеңе жоғалтқым келмейді» (Don’t Want to Lose Anything)

Шынымды айтсам (To Be Honest)

Түнгі фотостудия (Night Photo Studio)

«Каннамның басқа қыры» (Gangnam Undercover)

«Шығар жол жоқ: Рулетка» (No Exit: Roulette)

«Сегіздің шоуы» (The Eight Show)

«Кісі өлтірушінің парадоксы» (Killer’s Paradox)