Актер Данияр Алшынов көпке белгісіз заттар туралы әңгімелейді
Данияр Алшынов — актер, продюсер, әйелінің жұбайы, стендап-комик және жалпы жақсы адам. Оның «Эмми» сыйлығына ұсынылған француздың Infiniti сериалына түскенін атап өтуге болады. Сонымен қатар Данияр — елдегі басты артхаус режиссері Әділхан Ержановтың көп фильмдерінің бас актері. Жақында стендап әлеміне еніп, қазір ел ішінде гастрольдік сапарларға шығып жүр. Жуырда концерті Freedom Media-ға шығады. Желтоқсан айындағы нөмірімізде Даниярдың қазақстандық кино, клиптік ойлау және сөз бостандығы тақырыптарын қамтыған, терең сұхбатын жариялаған едік. Ал бүгін біз оған күлкілі (және оншалықты күлкілі емес емес), оқыс әрі оғаш блиц сұрақтарын қоямыз.
Саған «Сақиналардың әміршісі» ұнай ма, бала күніңде кейіпкерлердің образдарын сомдап көрдің бе?
Біз үшеу едік, тағдырымыз әр түрлі. Ауламыздың іші орман болатын. Бұзылған үйлердің орны тұратын, кірпіш, бетон қалдықтары шашылып жататын. Бұл жерде балалар мен қаңғыбастар ғана жүретін. Қаңғыбастар мекендейтін жерлерді «Мордор» деп атайтынбыз. Өзімізді ертегі кейіпкерлері санап, таяқтан садақ, қылыш, қалқан, сауыт жасайтынбыз. Рөл бөліскен емеспіз, алайда бір досымыздың хоббит болғаны анық. Біріншіден, бойы аласа еді. Жалпы вайбы да хоббитке тән еді, өзі жайлы болатын. Кейін бір досымыз отбасындағы қиындықтарға байланысты көшіп кетті. Біз қатты сағындық. Интернет жоқ, туыстары арқылы хат жазып тұратын. Хаттарын сол орманда отырып оқитынбыз. Романтикаға толы уақыт еді. Қазіргі кез болса, ол бізге, бәлкім, TikTok видеоларын жіберер ме еді.
1 / 2
Қазақстанда қашан фэнтези түсіріледі?
Тамаша сұрақ. Сол күнді асыға күтемін — фэнтези жанрындағы фильмдеріміз шығатын кезді. Бұл жанр индустрияда бәріне қызық, қазір аздап фольклордан бастап әрекет етіп жатыр. Бірақ бұл жанрдың бізде дамымауының екі себебі бар. Біріншісі — мұндай кино түсіру қымбатқа түседі. Екіншісі — біз әлі шынайы өмірден алынған оқиғаларды өзін толық түсіріп болған жоқпыз. Тарихи фильм түсіреді, алайда ол Қытай не Еуропадағыдай феноменге айнала қойған жоқ. Осының бәрінен шаршаған соң енді айдаһарлар туралы фильм түсірейік дейді. Осы эволюцияның бастапқы нүктесінде тұрған сияқтымыз.
Формула-1-дің ең үздік пилоты кім?
Жауабы жоқ сұрақ қой — пилот маңыздырақ па, әлде көлік пе? Менде жауап жоқ. Алайда дарынды пилоттар бар екені сөзсіз. Екі ұлы пилот бар: Сенна — нағыз данышпан, «Алдыңда тұрған саңылау арқылы өтіп кетуге ұмтылмасаң, осыдан былай жарысушы емессің» деген дәйексөздің авторы. Екіншісі — Михаэль Шумахер. Екеуінің де мансабы қайғылы оқиғамен аяқталды. Арасынан біреуін суырып алу қиын.
