Қазақстандық суретші Әсел Нүсіпқожанова GUESS брендімен бірлесіп, бірегей өнер ынтымақтастығын таныстырды. Жоба 2025 жылдың наурыз айында басталып, брендтің Қазақстанның өнері мен шығармашылық индустриясын қолдау жолындағы алғашқы қадамы болды.

Алматы мен Астанадағы GUESS дүкендерінің (Marciano by Guess, Dostyk Plaza және Guess Jeans, Mega Silk Way) витриналарынан өнер әлемінің жаңа тынысы сезілді. Дәстүрлі кодтарды жаңаша түсіндіретін өнер нысандары орнатылды. Әсел қазақ киізінің табиғи әсемдігін заманауи графикалық өрнектермен шебер үйлестіріп, ерекше инсталляциялар жасады. Бұл туындылар – өткен мен бүгіннің, мәдениет пен сәннің үндесуі.

Суретшінің бірегей принттері брендтің жарнамалық материалдарында да өз ізін қалдырды. Әсел қазақ мұрасынан шабыт алып, оны ашық түстер, қайталанбас фактуралар мен батыл графика арқылы көрсетеді. Оның стилі – дәстүрге деген жаңаша көзқарас.