Gülfairus

Gülfairus

Заманауи мәдениет орталығының ішінде мейрамхана ашу – үлкен жауапкершілік. Әсіресе ол «Целинный» болса, ал мейрамхана Гүлфайрус Ысмайылованың есімімен аталса, бұл жүк одан сайын арта түседі. Гүлфайрус Ысмайылованың жұбайы, суретші Евгений Сидоркин, ғимарат фойесіндегі әйгілі сграффитоны жасаған. Бұл туынды ғимарат қайта жаңғыртылған кезде де сол қалпында сақталды. Gulfairus – Алматыда соңғы кезде ашылған ең сәнді мейрамханалардың бірі. Шағын, жайлы, тіпті галереяға ұқсайтын бұл орын үлкен даңғаза топқа арналмаған. Сондықтан дастарқан басындағы әрбір сәт мейлінше жайлы әрі оңаша сезіледі. Дегенмен Gulfairus-тың fine dining бағытындағы амбициясы айқын байқалады. Бұны кеңістік сәулетінен бастап, асхананың күрделілігінен және әрбір тағамның ұсынылуына деген мұқияттылықтан көруге болады. Асүйде – Руслан Абдураманов. Мұнда равиолиге картоп пен қазы салады, чебуректі таңқы шаян мен асшаяннан жасайды, самсаға өгіз құйрығын қосады. Ал сегізаяқтан жасалған карпаччоға ташкент лимоны ерекше дәм береді. Gulfairus «Целинный» ішінде өте табиғи өмір сүреді. Мұнда мұраға көрші залдардағы өнер туындыларына қарайтындай қарайды: мұражай жәдігеріндей қатып қалған күйінде сақтамайды, сол қалпында қайталамайды да, керісінше мүлдем жаңа дүние жасауға арналған материал ретінде қолданады. Нәтижесінде мәдени мекеменің жанынан жаңа мейрамхана дүниеге келді – ол өзі де қаланың мәдени бағдарламасының бір бөлігіне айналуға лайық.