Selfie

Selfie

Келесі жылы Selfie мейрамханасына он жыл толады. Жоғары гастрономия (fine dining) бағытындағы жобалар үшін бұл өте үлкен белес. Осы уақыт аралығында Астанада ондаған жаңа орындар ашылып, елорданың басты мейрамханасы қандай болу керек деген түсінік те бірнеше рет өзгерді. Ал Selfie болса, бұрынғыша The Ritz-Carlton қонақүйінің 18-қабатынан қалаға көз тігіп, ең мәртебелі меймандарды қарсы алатын таңдаулы орын мәртебесін нық ұстап келеді. 2017 жылы ашылған сәтінен бастап ол қаланың жоғары гастрономиясына мүлдем жаңа биіктік орнатты. Ашық асүй, мінсіз қызмет көрсету, Бәйтерекке ашылатын панорама және ең бастысы – Қазақстанды заманауи гастрономия тілінде сөйлетуге деген үлкен ұмтылыс. Мұнда жылқы етін құрғақтай пісіп-жетілдіру камерасына жіберіп, бешбармақты жұп-жұқа жұмыртқа кеспесімен және жусай майымен ұсынады, құрт, қаймақ және ірімшікті де шебер қолданады. Он жылға жуық уақыт өтсе де, жергілікті өнімдерге деген бұл құштарлық одан сайын арта түсті: қазір мұнда қазыны тоннато соусымен, ал бауырсақты бекіре уылдырығымен бірге көре аласыз. Осы жылдар ішінде Selfie еліміздің басты гастрономиялық сахнасына айналды. Мейрамхана іргесінде Michelin жұлдызы бар шетелдік шеф-аспаздар жиырмадан астам рет өз өнерлерін көрсетіп үлгерді. Сондықтан бүгінде Selfie-ді Астананың ең әдемі көрінісі бар мейрамханасы ретінде қабылдаудан бөлек, Қазақстан мен әлемдік жоғары гастрономияны өзара байланыстыратын алтын көпір ретінде тану әлдеқайда орынды деп санаймыз.