Qazaq Gourmet

Qazaq Gourmet

Көпшілігіміз қазақтың ұлттық тағамдарын тек өз үйімізде немесе үлкен той-жиындарда ғана жеп үйренгенбіз. Алайда қазірде ұлттық мәзіріміздің қыр-сырын тереңірек зерттеуге ден қойған мамандар шыға бастады. Qazaq Gourmet жобасы дәл осы үлкен ізденістен туған. Шеф-аспаз Артем Канцев аймақтарды аралап, көне рецепттерді жинап, дастарқанымыздан ұмытылып бара жатқан өнімдерді қайта тірілтіп жүр. Ең бастысы, бұл ізденістер тарихи жәдігер қатарынан шығып, күнделікті тұтынатын заманауи тағамға айналды. Бұл жерге үлкен компаниямен келіп, түрлі тағамдардан барынша көп дәм татқан дұрыс. Қазақ асханасы әрқашан көпшілікті, берекені жақсы көреді. Оның нағыз дәмі тек үлкен дастарқан басында толық ашылады.