Дрейк толығымен гауһар таспен көмкерілген бірегей Rolex Daytona сағатын көрсетіп, жанкүйерлерін таңғалдырды. Орындаушы Instagram парақшасында бұл эксклюзивті «өміріндегі ең маңызды зат» деп атады.
39 жастағы музыкант бұл сағатты өзінің «2026 жылғы рекордтық жетістіктерін» атап өту үшін арнайы тапсырыспен жасатқан. Ол бұл туралы жарияланымның астында жазып, 15 мамырда жарық көрген үш альбомына, соның ішінде хитке айналған Iceman трегіне ишарат жасады. Жанкүйерлер қазірдің өзінде «мұзды» деп атап үлгерген сағат дизайнында осы тректің атауы анық көрініс тапқандай.
Сағаттың бірегейлігін оның артқы қақпағындағы FREEZE THE WORLD («Әлемді мұздат») деген жазу да растай түседі. Бұйымның сыртқы келбеті көз жауын алады: багет пішінді гауһар тастар мен көк жақұттар паве стиліндегі циферблатты ғана емес, тұтас білезікті көмкеріп тұр. Осылайша бұл Rolex нағыз зергерлік өнер туындысына айналған.
Сағаттың нақты құны құпия сақталғанымен, сарапшылар бұл «әлемдегі жалғыз» модельдің бағасы бірнеше миллион долларға жетуі мүмкін екенін айтады.