Cartier алқалы сағатын таққан Рианна Met Gala 2025-ке бәрібір кешігіп келді
Дүйсенбі күні Нью-Йорк қаласындағы Метрополитен музейінде жылдың ең маңызды сәнді іс-шарасы Met Gala 2025 өтті. Биылғы тақырып – көпқырлы, маңызды әрі, шыны керек, күрделі Superfine: Tailoring Black Style. Қауырсынды костюммен шектелетін дүние емес, әрине. Бұл – саяси мәлімдемеге арналған стиль. Мұра. Үні жаңғыра түсетін пішін.
Біз образдармен қатар Метрополитен музейіндегі көрмеде жасырын қалған мәнге көңіл бөлдік. Алайда жалтылдаған әшекей бұйымдарға көз салау мүмкін емес, өйткені олар образдарды толықтырып қана қоймай, өз бетімен диалог жүргізді. Асыл таспен көмкерілген бұл диалог анық естілді.
Cartier
Биыл Cartier-нің үні қатты шықты. Кешке кешігіп келген Рианнаның Cartier сағаты алқа қызметін атқарған сынды. Гауһар тас жарқырағанда уақыт екінші планда қалады. Карли Клосс қызыл кілемге Panthère de Cartier-нің азулы энергетикасын әкелсе, қара нәсілді мәдениет иконасы Даппер Дэн 1983 жылғы сары алтыннан жасалған архивтік көзілдірік пен 1936 жылғы раушан бейнесіндегі танамоншақ тағып келді. Дилджит Досанджа жолбарыс бейнесіндегі қозғалмалы табаны бар гауһар таспен көмкерілген білезік, ал Джон Батиста қалпақтағы қоян бейнесіндегі сиқырлы танамоншақ тағып келді. Салмақты классиканы да, зергерлік арт нысандарды да қамтыған Cartier әшекейдің көйлектен де маңызды болуы мүмкін екенін тағы бір мәрте дәлелдеді. Шыны керек, солай болды да.
Boucheron
Boucheron биыл тәуекелге бел буып, өз ережесімен жүріп көрді: ассиметрия, алтын, хрусталь, жылан, театрға тән эстетика және азын-аулақ ессіздік. Колман Доминго да сыпайылық танытқан жоқ. Iceberg алқасы, Padma Cristal, Plume de Paon, Quatre Radiant және Black Edition сақиналары, сондай-ақ есімізден шықпай қойған ғажап Serpent Bohème кафы. Шути Гатва ақпен бірге болғысы келіп, суық реңкті, минималистік әрі бозғылт – айсберг іспетті бұйымдар тақты. Ал Ким Кардашьян алмұрт тәріздес гауһар тасы бар Vendôme Liseré сақинасы сынды бір ғана бұйымның өзі жеткілікті екенін дәлелдеді. Мұнда жылан бейнесіндегі клипса да, екі саусаққа тағатын сақина да, образды шарықтау жегіне жеткізетін әшекейге тән mood та болды.
Hublot
Биылғы Met Gala-да Hublot бұйымы төрт дүркін WNBA жұлдызы, баскетбол ойыншысы Джонквел Джонстың образынан байқалды. Спортшы іс-шараға қолтырауын терісіне ұқсас қара былғары жакет киіп, қара көзілдірік тағып, шашын көкке жететіндей етіп сәндеп келді. Образдың басты әшекейі болаттан жасалып, ақ лақпен әсемделген, гауһар таспен көмкерілген Big Bang Original болды. Образдың жарқын акценті.
Zenith
Актер әрі жаңа буынның сән иконасы Калеб Маклафлин көгілдір реңкті барқыт қолғабы бар күрделі образды ұсынды. Ол Zenith ұсынған DEFY Skyline Sapphire сағатын кеш рухына сай қылып, қолғап сыртынан тағуды жөн көрді. Кеш барысында сағатына қарайтын жан болды ма, болмады ма белгісіз, бірақ 45 жақұт пен жұлдыз тәріздес өрнегі бар циферблаттың көздің жауын алғаны – ақиқат.
