Hublot-ның Big Bang моделінің 20 жылдығына орай ұйымдастырылған кеш туралы әңгімелейміз.
Сағат жасау өнері әлемінде аты аңызға айналған санаулы ғана модель бар. Солардың бірі – Hublot Big Bang. Биыл оның жарық көргеніне 20 жыл болды. 2005 жылы шыққан Big Bang нарықты дүр сілкіндіріп, заманауи сағат жасау ісінің жаңа дәуірін бастады. Уақыт өте келе мануфактура жаңа техникалық және эстетикалық шешімдерді қолға алып, мүмкіндікке қатысты шектеулерді жоя бастады. Big Bang – жай ғана танымал модель емес, брендтің басты нышаны. Сондықтан да оның мерейтойы ерекше аталып өтті.
2025 жылдың 3 сәуірінде Hublot осы маңызды жайтты атап өтіп, Watches and Wonders көрмесінің ең жарқын кешін ұйымдастырды. Бұл кешке сағат жасау өнері, спорт, гастрономия және музыка әлемдерінің элитасы жиналды.
Бұл ғаламат шараға Hublot брендінің достары мен амбассадорлары – футболдан әлем чемпионы Килиан Мбаппе, әлемдегі ең жүйрік адам Усэйн Болт, яхтсмен Алан Рура, швейцариялық жеңіл атлет Муджинга Камбунджи, Франция және Португалия футбол құрамаларының жаттықтырушылары Дидье Дешам мен Роберто Мартинес және тағы басқалар қатысты.
Hublot-ның атқарушы директоры Жюльен Торнар кеш қонақтарына алғыс айтты: «Big Bang моделі – батылдық пен жаңашылдыққа деген ұмтылысымыздың айғағы. Осы 20 жылдық мерейтой аясында Hublot отбасын көргеніме қуаныштымын».
Кештің гастрономиялық жауһарларына жалпы алғанда 43 «Мишлен» жұлдызының иегерлері – Анн-Софи Пик, Клэр Смит, Янник Аллено, Энеко Аткса және Андреас Каминада жауапты болды. Алайда кештің гүлі атағы қонақтарды аң-таң еткен менталист Лиор Сушардқа бұйырды. Кейін сахнада мультиинструменталист, продюсер әрі диджей Alissia өнер көрсетіп, кеш көркін қыздыра түсті. Ол фанк, поп және R&B жанрларын Big Bang-тің авангард рухына сай қылып үйлестіре алды. Одан соң сахнаға америкалық-ливандық британ әншісі Мика шықты. Кеш жай аяқталды, өйткені Alissia диджей пультіне қайта оралды.