Max Mara брендінің Алматыдағы бутигінде әйгілі Whitney Bag сөмкесінің мерейтойына арналған кеш өтті
Whitney Bag сөмкесінің тарихы Нью-Йорктегі Уитни америкалық өнер мұражайымен тығыз байланысты. Оның ерекше дизайны мұражай ғимаратының колонналарындағы тік ойықтарды – каннелюрлерді қайталайды. Осы сөмкені жасау барысында бренд командасы: «Сөмкені сәулет өнерінің қағидаларымен жасасақ, ол қандай болар еді?» деп ойланған. Бұл сауалдың жауабын мұражайдың сәулетшісі Ренцо Пьяноның шеберханасынан тапқан. Whitney Bag-тің алғашқы эскизін Пьяноның өзі жасыл фломастермен қағаз қиындысына сызып берген екен. Сөмкенің атауы да сол сәтте дүниеге келген.
Биыл Whitney Bag сөмкесі өзінің он жылдығын атап өтуде. Осы мерейтойға орай Max Mara асыл алюминий реңктегі сөмкенің небәрі 125 данадан тұратын шектеулі топтамасын ұсынды. Жақында сол бірегей топтаманың екі данасы Алматыдағы бутикте көпшілік назарына ұсынылды. Кеш барысында Max Mara FW25 және Sportmax FW25 топтамаларының көрсетілімдері де өтіп, диджей Иринаның әуенімен Бронте апалы-сіңлілерінің шығармаларынан шабыт алған нәзік әрі салмақты образдар таныстырылды.
