Prada амбассадоры, актриса Скарлетт Йоханссон Ritual Identities науқанының басты кейіпкеріне айналды
Prada өзінің Prada Galleria сөмкесіне арналған жаңа жоба – Ritual Identities қысқаметражды фильмін таныстырды. Басты рөлді Скарлетт Йоханссон сомдаған бұл науқанды «Poor Things» мен «Kinds of Kindness» фильмдерінің авторы Йоргос Лантимос түсірген. Бұл – режиссер мен актрисаның дебюттік ынтымақтастығы.
Роликте Скарлетт Йоханссон жұмбақ ритуалдар тізбегінен өтіп, өзгеріске ұшырайды да, өз болмысының сан алуан нұсқасына айналады. Осы метаморфозаның ортасында – тұмар әрі өзгерістер символы іспетті Prada Galleria сөмкесі тұр.
Осыдан бір жыл бұрын режиссер Джонатан Глейзер Prada үшін жарнамалық науқан түсірген, онда Йоханссон сондай-ақ атақты Prada Galleria сөмкесімен көрінген болатын.