Италиялық Prada сән үйі National Geographic-пен бірігіп, Re-Nylon топтамасына арналған деректі фильмдер сериясын ұсынды
Төрт бөлімнен тұратын деректі фильмдер топтамасы сән мен мұхиттарды қорғау идеясын ұштастырады. Басты рөлдерде – Бенедикт Камбербэтч пен Сэйди Синк. Сондай-ақ SEA BEYOND жобасының амбассадорлары Валентина Готтлиб, Джованни Чименти және National Geographic сарапшылары да қатысады.
Prada Group 2019 жылдан бері ЮНЕСКО-ның Үкіметаралық океанографиялық комиссиясымен серіктесе отырып, мұхитты сақтау мақсатындағы SEA BEYOND білім беру бағдарламасына қолдау көрсетіп келеді. Осы бірлестік барысында Re-Nylon топтамасын шығарған. Бұл коллекция мұхиттан және қоқыс полигондарынан жиналған қайта өңделген пластиктен жасалған. Сонымен қатар коллекцияның сатылымынан түскен кірістің 1%-ы SEA BEYOND бағдарламасына аударылып, болашақ ұрпақтың мұхитты сақтау туралы білімін арттыруға бағытталады.
2025 жылғы жобаның аясында Бенедикт Камбербэтч Норвегияға аттанса, Сэйди Синк Мексиканың табиғи экожүйесін зерттейді. Әрбір бөлім теңіздердің күрделі әлемін көрсетіп, экожүйелердің нәзік тепе-теңдігін сақтау қажеттігін еске салады.
Re-Nylon топтамасын Prada сайтында сатып алуға болады.
