Мамыр айында бұқаралық ақпарат құралдары бұл келісімнің құнын 850 миллионнан 1 миллиард долларға дейін бағалаған. Келісімшарт аяқталған соң, нақты сома 925 миллион доллар екені белгілі болды. Бұл былтыр медиада айтылған 1 миллиардтық болжамнан сәл төмен. The Business of Fashion басылымының пікірінше, ақырғы бағаның болжамнан әлжеқайда төмен болуы бизнестің болашақтағы табыстылығына қатысты күмәнді көрсетіп тұр.
WHP Global – танымал брендтерді сатып алып, оларды дамытумен айналысатын америкалық компания. Олар лицензиялау мен халықаралық нарықта кеңею процестерін басқарады. Ал G-III Apparel Group – киім мен аксессуарлар өндіретін және тарататын ірі америкалық корпорация. Олардың қарамағында DKNY, Donna Karan және Karl Lagerfeld сияқты маркалар бар. Marc Jacobs келісімінде WHP Global брендті лицензиялауға және дамытуға жауап береді. Ал G-III операциялық бизнесті, соның ішінде бөлшек және көтерме сауданы өз мойнына алады.
Марк Джейкобстың өзі брендтің креативті директоры қызметінде қалады. Ол бұл өзгерістерге өте сеніммен қарайды. Дизайнер жақын болашақта марканың, әсіресе ready-to-wear (дайын киім) бағытында мықты әрі қолжетімді коммерциялық ұсыныстары көбейеді деп үміттенеді. Осыдан он жылдай бұрын Marc by Marc Jacobs желісі жабылған соң, бұл бағыт мүлдем жойылып кеткен еді. Сонымен қатар ол өзінің подиумдық топтамаларының шағын, камералық форматын сақтап қалғысы келеді. Брендтің жаңа иелері де оның бұл ойын толық қолдап отыр.