Миландағы Сән апталығы аясында Кендалл Дженнер Bottega Veneta көктем-жаз 2027 көрсетілімін жапты. Модель бұл брендтің подиумына тура он жылдан кейін қайта оралды. Ол алғаш рет Bottega Veneta шоуына 2016 жылы қатысқан болатын.
Дегенмен бұл кеште назар подиуммен қатар басқа жаққа да ауды. Бірінші қатарда Кендаллды оның жігіті Джейкоб Элорди қызықтап отырды. Актер Соланж бен Tyler, The Creator қасында жайғасты. Дженнер подиумға шыққан сәтте-ақ актер пленкалы камерасын шығарып, оны суретке түсіре бастады. Элорди үшін бұл — әдеттегі көрініс. Ол көптен бері фотосурет өнерімен әуестенеді, достарын және түсірілім алаңының сахна сыртын жиі таспаға басады.
Әрине, бұл романтикалық сәт Кендалл мен Джейкоб арасындағы қарым-қатынас туралы қауесеттер аясында назардан тыс қалмады. Қыркүйек айының басында олар Лос-Анджелесте бірге түскі ас ішіп отырған жерінде көзге түсті. Сол кезде екеуі де түгелдей қара түсті киім киіп алған еді. Ал жұлдызды жұптың арасындағы махаббат хикаясы туралы сыбыстар көктемнен бері тоқтаусыз жалғасып келеді.