Бұл кеште көне дәуірдің қайталанбас жауһарларынан бастап соңғы үлгідегі жаңа топтамаларға дейінгі ең әсерлі зергерлік туындылар көпшілік назарына ұсынылды.
«Сентиментальная ценность» фильміндегі Нора рөлін сомдаған Эль Фаннинг бұл кеш үшін гүлді өрнекпен көмкерілген Gucci көйлегі мен Cartier үйінің көздің жауын алатын гауһар алқасын таңдапты.
Кеш жүргізушісі әрі атышулы «Жаркое соперничество» сериалының жарық жұлдызы Коннор Сторри өзінің Saint Laurent костюмін Tiffany & Co. брендінің талғампаз брошымен ажарландыра түсті.
«Песня звучит печально» фильміндегі рөлі үшін номинацияға ие болған Кейт Хадсон өзінің Armani Privé көйлегін Garatti әшекейлерімен үйлестіріп, бейнесін толықтырды.
«Марти Великолепный» фильміндегі үздік ер адам рөлі үшін «Алтын глобус» иегері атанған Тимоти Шаламе салтанатты кешке қалыптасқан дәстүр бойынша Cartier бұйымдарын тағып келді.
Колман Доминго бұл жолы да зергерлік бұйым таңдаудағы шеберлігімен баршаны таңғалдырды. Актер қызыл кілемге Boucheron үйінің «гауһар шырмауығымен» көмкерілген қара түсті Valentino костюмімен шықты.
Аманда Сайфред «Завещание Анны Ли» фильміндегі үздік әйел рөлі үшін марапат алмағанымен, Tiffany & Co. брендінің әсерлі алқасының арқасында қызыл кілемдегі көптеген аруларды көлеңкеде қалдырып, жарық жұлдыздай жарқырады.
Чейз Инфинити өзінің Louis Vuitton ұсынған футуристік бейнесін De Beers әшекейлерімен – талғампаз сақиналармен, геометриялық пішіндегі білезікпен және салпыншақты сырғалармен шебер безендірген.
Кеш тізгінін ұстаған Blackpink тобының әншісі Лиса Bvlgari Eternal жоғары зергерлік өнер топтамасынан жарқыраған гауһар тастармен безендірілген бес қатарлы Vimini алқасымен жұртшылықты тәнті етті. Сондай-ақ ол өз бейнесін сары алтыннан соғылған, бес орамды Vimini сақинасымен толықтыруды жөн көрген.
Эмили Блант өзінің Louis Vuitton көйлегіне Tiffany & Co. әшекейлерін қоса таңдады. Бұл жиынтықтың ішінде 1957 жылғы көне білезік ерекше назар аудартады.
Үнді актрисасы Приянка Чопра-Джонас қызыл кілемде Bvlgari брендінің салтанатты бұйымдары: гауһар мен сапфир орнатылған алқасы және көз тартарлық сақиналарының арқасында ерекше көзге түсті.
Селена Гомес «Убийства в одном здании» туындысындағы рөлі үшін комедиялық сериалдың үздік актрисасы ретінде номинацияға ие болды. Аңсаған мүсінше бұйырмаса да, ол Chanel бейнесі мен француз үйінің High Jewelry топтамасындағы гауһар сақиналары мен «отшашу» сырғаларының арқасында «Алтын глобустың» ең сәнді жұлдыздарының тізіміне лайықты түрде енді.
