MEGA Alma-Ata сауда орталығында аумағы 1650 шаршы метрді құрайтын жап-жаңа LIMÉ дүкені ашылды. Енді бұл ауқымды кеңістікте брендтің әйелдер, ерлер және балаларға арналған толық топтамасы ұсынылып отыр.
Дүкеннің іші сатып алушыларға барынша ыңғайлы етіп жасалған: сөрелер мен аймақтар рет-ретімен бөлініп, заманауи жарық орнатылған, сондай-ақ кең киім өлшеу бөлмелері мен өзіне-өзі қызмет көрсететін кассалар қосылған.
Әйелдер бөлімінде киімдер топтамасына қарай жинақы ілінген. Жаңарған дүкенде ішкі киімдер мен аяқ киімдерге арналған бөлек бұрыш ашылып, келушілерге ыңғайлы жұмсақ жиһаздар қойылды. Ең бастысы, мұнда 25 бірдей кең киім өлшеу бөлмесі бар, яғни бұрынғыдай ұзақ кезек күтіп тұрудың еш қажеті жоқ.
Ерлер бөлімі қоңыр шпонмен көмкеріліп, өте ұстамды, салмақты эстетикада безендірілген. Бұл аймақта да аяқ киім бұрышы мен жеті өлшеу бөлмесі бар.
Балалар бөлімінде 3 пен 14 жас аралығындағы ұл-қыздарға арналған киімдер бір жерге жиналған. Табиғи ағаш бөлшектерімен көмкеріліп, жұмсақ кілем төселген жап-жарық аймақта жеке аяқ киім бұрышы мен үш өлшеу бөлмесі орналасқан.
Дүкендегі тағы бір керемет жаңалық – өзіне-өзі қызмет көрсететін алты касса. Сатып алғыңыз келген киімдерді төлем аймағына қойсаңыз жеткілікті: жүйе тауарлар туралы ақпаратты автоматты түрде оқып, төлемді өзіңізге ыңғайлы тәсілмен жасауды ұсынады.