MŪRAA брендінің негізін қалаушысы Tatler Asia's Most Stylish журналының Қазақстандағы алғашқы тізіміне енді
Меруерт Әбдір – Лондондағы Regent’s University London университетінің түлегі. Кезінде Buro 24/7 басылымының қазақстандық нұсқасын және SPRING Central Asia медиасын құрған. 2023 жылы Меруерт Орталық Азияның дәстүрлі әшекейлерін қайта пайымдайтын MŪRAA атты жеке брендін іске қосты.
Меруерт киімге деген көзқарасының қалай қалыптасқаны және өз стилін қалай тапқаны туралы бізбен сыр бөлісті:
«Мен ешқашан көптің бірі болғым келген емеспін. Мектеп кезінде-ақ әкемнің жейделерін, өзімнен 36 өлшем үлкен джинсыларды киетінмін. Басқа қыздардың бәрі көйлек кигенде, мен рэпер болғым келді. Сол ішкі тәуелсіздік пен ерекшеленуге деген құштарлық әлі күнге дейін бойымда сақталған. Маған ешкім кимейтін дүниелер ұнайды, ал егер бір зат тым танымал болып кетсе, оған деген қызығушылығым тез жоғалады. Кезінде өзіме жақын стильді Celine, The Row, Dries Van Noten, Lemaire топтамаларынан іздейтінмін. Бүгінде сол ізденісімді Азия брендтерінен жалғастырып жүрмін: әрқашан өзекті Comme des Garçons-нан бастап, кішкентай жапон маркаларына дейін. Олар оғаш, ерекше, бірақ оларда бір «жан» бар сияқты. Менің гардеробымда бір-біріне ұқсамайтын заттар көп. Мысалы, бренд жабылып қалғаннан кейін әрең тапқан архивтік Delpozo туындым да, жай ғана «қыдырып шығуға» киюге келмейтін ауыр, қатпарлы белдемшелер де бар. Олармен қатар, уақытқа бағынбайтын Dries Van Noten мен әрқашан өзекті Yohji Yamamoto-ның да орны бөлек.»
