Concealer lips дегеніміз не?
2000-жылдардың басында «нюд» еріндер барлық жерде кездесетін. Сол кездегі кез келген музыкалық клипті алып қарасаңыз, smoky eyes жасаған, жасанды кірпік жабыстырған және ерін түсі терісімен бірдей болып кеткен «ақшыл» ерінді аруларды міндетті түрде көресіз.
Y2K дәуірінде косметика нарығында реңктердің таңдауы өте аз еді. Егер ерін бояуының түсі теріге сәйкес келмесе, қыздар амалсыздан қарапайым консилерді пайдаланатын. «Ерінді тері түсімен теңестіру» әдісінен осы трендтің атауы шыққан.
2025 жылы concealer lips мүлдем басқаша сипатқа ие: мұнда ешқандай өткір контраст немесе ауыр макияж жоқ. Бүгінде бұл тренд мейлінше табиғи бейнемен – мөлдір реңкті тері, сарғыш далап және көздің баяу реңкті көлеңкелерімен тамаша үйлесім табады.
2026 жылы сарғыш ерін сәнді көріне ме?
Қысқаша жауап – иә. Осы қыстың басты бьюти-трендтерінің бірі – toffee makeup. Жақында ғана Хейли Бибер мен Зои Кравиц көрсеткен образдарды еске түсіріңізші: үйреншікті қызғылт далаптың орнына жұмсақ қарамельді реңктер, ал айқын еріндердің орнына жылы, табиғи нюд келді.
Бұл тренд 1990-жылдардың эстетикасынан, яғни сарғыш және қоңыр түстер басым болған дәуірден шабыт алған. Алайда қазіргі интерпретацияда ол әлдеқайда балғын әрі талғампаз көрінеді. Негізгі назар терінің табиғи сұлулығын жауып тастамай, оны ерекшелей түсетін жылы, мөлдір, «акварельді» текстураларға аударылған.
