Алматының зайырлы ортасы жаздың келгенін өзінше қарсы алады. Осы дәстүрдің ең жарқын көрінісітердің бірі – жыл сайын өтетін Kilian Paris кеші. Жұрт көптен күтетін бұл жиын жылы түндердің шымылдығын түріп, жылдың ең әдемі айларын қалай өткіземіз деген тәтті ойларға жетелейді. Мұның астарында үлкен мән жатыр: жаз маусымын бастауға Kilian-нан асқан парфюмериялық брендті елестету қиын. Өйткені марканың бүкіл эстетикасы рақатқа бату, жеңілдік, мерекелік көңіл күй және өмірдің дәмін тату сияқты ұғымдардың айналасында өріледі.
Биылғы кеш те дәстүрден жаңылмады. Бұл жолғы кездесуге себеп болған жаңа Her Majesty хош иісі адамның ішкі харизмасы мен өзіне деген сенімділігінен шабыт алған. Оны брендтің парфюмериялық тарихындағы жаңа тарау десек те болады. Дегенмен, қонақтарды қуантқан жалғыз жаңалық бұл емес еді. Кеште алғаш рет көлемі 30 мл болатын жаңа құтылар да таныстырылды. Брендтің фирмалық стилінде жасалған бұл шағын нұсқалар талғаммен әрленген алкоголь графиндерін еске салады – бұл брендтің негізін қалаушы Килиан Хеннессидің талай жылдан бергі шабыт көзі. Шағын құтыда тек алкогольді топтамадағы ғана емес, сонымен қатар Love Don’t Be Shy, Angel’s Share, Black Phantom, Good Girl Gone Bad, Smoking Hot, Sacred Wood, Old Fashioned және Apple Brandy сияқты жұрттың сүйіктісіне айналған ароматтар да жарық көрді.
Брендтің жақын достары, танымал инфлюенсерлер, креативті индустрия өкілдері мен зайырлы хрониканың тұрақты кейіпкерлері бас қосқан бұл кеш жаз басындағы ең асыға күтетін оқиға екенін тағы да дәлелдеді. Демек, маусым ресми түрде ашылды.
