Ұйымдастырушылар бұл кешті жай ғана кездесу емес, дәстүр, қолөнер мен эстетика қонақтардың жеке тәжірибесімен тамаша ұштасқан, көпшілікті толық баурап алған ерекше шараға айналдыра білді. Италия мен Қазақстан арасындағы мәдени диалог аясында өткен бұл жиында бір алаңда заманауилық пен дәстүр, сондай-ақ венециандық шыны мен зергерлік классика өзара мінсіз үйлесім тапты.
Гала-кеш барысында Жанна Канға Италияның мемлекеттік марапаты – Ordine della Stella d'Italia табысталды. Бұл мәртебелі жұлдыз екі ел арасындағы мәдени байланысты нығайтуға, оған қоса өнер мен қолөнер мұрасын кеңінен насихаттауға қосқан сүбелі үлесі үшін беріліп отыр.
Кеш бағдарламасы ғасырдан астам тарихы бар Damiani сән үйінің зергерлік бұйымдар презентациясын, аты аңызға айналған Venini муран шынысы брендінің көрмесін, онымен қоса өте мазмұнды мәдени бөлімді қамтыды.
Құрметті қонақтар қатарынан Сильвия Дамиани, Максимилиано Мулас пен Лука Касароло төрден табылды. Олармен бірге бұл кешке дипломаттар, бизнес элитасы мен қоғам көшбасшылары, мәдениет қайраткерлері мен танымал инфлюенсерлер қатысты.